Masmur 107:1-43
107 Kataken bujur man Jahwe sebap mehuli kap Ia,+KekelengenNa si setia tetap lit rasa lalap.+
2 Pediatlah kalak si bebasken Jahwe ngataken kerna si e,Eme kalak si bebaskenNa arah tan* musuh.+
3 Si pepulungNa arah erbage negri,+Arah timur ras barat,*Arah utara ras selatan.+
4 Ku jah ku je kalak e i taneh mesawang,* i gurun pasir,La dat kalak e dalan ku kota si banci jadi inganna tading.
5 Melihe kalak e janah muas,Pingsan kalak e perban latihna.
6 Sanga kalak e susah, terus kalak e erlebuh man Jahwe,+BebaskenNa kalak e arah kesusahenna.+
7 BabaiNa kalak e bas dalan si benar,+Ku kota si banci man ingan kalak e tading.+
8 Ngata bujurlah man Jahwe,+ perban kekelengenNa si setiaRas perbahanenNa si luar biasa guna kepentingen anak-anak manusia.+
9 Sebap kalak si muas banNa puas,Janah kalak si melihe banNa besur alu kai si mehuli.+
10 Lit kalak si tading bas kegelapen si seh kel gelapna,Tabanen si susah janah irante.
11 Sebap mberontak kalak e ngelawan kata Dibata,La ergai kalak e pedah Dibata Si Meganjangna.+
12 Emaka pediatNa kalak e susah gelah meteruk ukur kalak e,+Tertuktuk kalak e janah la lit si nampatisa.
13 Sanga kalak e susah, erlebuh kalak e man Jahwe,BebaskenNa kalak e arah kesusahenna.
14 PedaratNa kalak e arah kegelapen si seh kel gelapna,Janah retapkenNa rante si ngiket kalak e.+
15 Ngata bujurlah man Jahwe, perban kekelengenNa si setia+Ras perbahanenNa si luar biasa guna kepentingen anak-anak manusia.
16 Sebap enggo hancurkenNa pintu-pintu tembaga,Janah penggelkenNa palang-palang besi.+
17 Perban pelanggaren ras kesalahenna,+Jadi bodoh kalak e janah susah.+
18 Lanai kalak e pet man,Enggo ndeher kalak e ku gerbang kematen.
19 Sanga kalak e susah, erlebuh kalak e man Jahwe,BebaskenNa kalak e arah kesusahenna.
20 Alu perentahNa, ipepalem kalak e,+Selamat kalak e arah lubang ingan kalak e terjerat.
21 Ngata bujurlah man Jahwe, perban kekelengenNa si setiaRas perbahanenNa si luar biasa guna kepentingen anak-anak manusia.
22 Pediatlah persembahken kalak e korban pengatan bujur,+Janah ceritaken kalak e perbahanenNa alu surak meriah ukur.
23 Kalak si erlayar alu kapal,Si erdagang bas laut si mbelang,+
24 Enggo idah kalak e perbahanen Jahwe,Bage pe hasil pendahinNa si luar biasa bas laut si mbages.+
25 Alu perentahNa, rembus angin badai,+Si erban ombak-ombak laut ergeruhguh.
26 Nangkih kalak e seh ku langit,Jenari ndabuh ku teruh.
Lanai kalak e pang perban bencana si nandangi terjadi.
27 Mbewat-mbewat kalak e bagi kalak mabuk,Janah kerina keahlin kalak e la erguna.+
28 Sanga kalak e susah, erlebuh kalak e man Jahwe,+BebaskenNa kalak e arah kesusahenna.
29 PengadiNa angin badai e,Janah ombak laut pe jadi tenang.+
30 Meriah ukur kalak e sanga kerinana tenang,BabaiNa kalak e ku pelabuhen si itujuna.
31 Ngata bujurlah man Jahwe, perban kekelengenNa si setiaRas perbahanenNa si luar biasa guna kepentingen anak-anak manusia.+
32 Pediatlah puji kalak e Ia i bas perpulungen,+Pediatlah puji kalak e Ia i tengah peminpin-peminpin.
33 UbahNa lau si maler jadi gurun pasir,Janah mata lau jadi taneh si gersang,+
34 Taneh si subur jadi gersang,+Perban kejahaten si ilakoken kalak si tading i je.
35 UbahNa gurun pasir jadi kolam,Janah taneh si kerah jadi mata lau.+
36 BanNa kalak si melihe tading i je,+Gelah banci pajekken kalak e kota jadi inganna tading.+
37 Suani kalak e jumana bage pe kebun anggur+Si mereken melala hasil.+
38 Pasu-pasuNa kalak e, emaka reh teremna kalak e,Janah asuh-asuhen kalak e la urak.+
39 Perban kalak e itindas, kena bencana, ras erceda ate,Reh dekahna reh sitikna kalak e janah ipermelaken.
40 BanNa bangsawan-bangsawan ihina,BanNa kalak e mampa-mampa bas taneh si gersang si la lit dalanna.+
41 Tapi lindungiNa kalak mesera arah penindasen,+Janah banNa keluarga kalak e reh teremna bali bagi rarasen biri-biri.
42 Ngidah si e, meriah akap kalak si bersih pusuhna,+Tapi kerina kalak si la benar, sompelna babahna sendiri.+
43 Ise pe si pentar pasti perdiatekenna kerna si e,+Janah ukurina alu mbages kekelengen si setia arah Jahwe.+
Cataten i teruh
^ Ntah “kuasa.”
^ Ntah “Arah matawari terbit ras terbenam.”
^ Taneh si mbelang si jarang iingani.