Masmur 108:1-13
Sada lagu. Lagu si iban Daud.
108 O Dibata, tetap nge ukurku.
Rende pagi aku janah kumainken musik alu bulat ukur.+
2 Medakkenlah o alat musik si ersenar, kam pe o harpa.*+
Kumedaki pagi matawari erpagi-pagi.
3 O Jahwe, kupuji pagi Kam i tengah bangsa-bangsa.
Kuendeken pagi pujin* man baNdu i tengah suku-suku bangsa.
4 Sebap mbelin kap kekelengenNdu si setia, seri ganjangna ras langit,+Janah kesetianNdu seh ku langit.
5 O Dibata, ipeganjanglah Kam, ganjangen asangken langit,Mbera-mbera kemulianNdu ndemi kerina doni.+
6 Gelah selamat kalak si kelengiNdu,Selamatken min kami alu tan kananNdu, aloi min aku.+
7 Nina Dibata si badia,* “Meriah pagi ukurKu,Kubagi-bagi pagi Sikem+ jadi warisen,Kuukur pagi Lembah* Sukot.+
8 JangKu kap Gileat+ bage pe Manase,Pelindung takalKu kap Eperaim,+Tongkat kekuasanKu kap Juda.+
9 Moap kap inganKu nuci tan ras naheKu.+
Kubenterken pagi selopKu ku Edom.+
Ermeriah ukur pagi Aku perban kalak Pilistia enggo talu.”+
10 Ise pagi si maba aku ku kota si erbenteng e?
Ise pagi si mabai aku seh ku Edom?+
11 Kam kap si mabai kami ku je, o Dibata! Tapi gundari enggo tulakNdu kami,O Dibata kami, enggo tadingkenNdu pasuken kami.+
12 Sampati min kami sanga kami susah,+Sebap penampat manusia labo lit gunana.+
13 Dibata kap pagi si mereken gegeh man banta,+Janah perjakiNa pagi musuhta.+
Cataten i teruh
^ Harpa eme alat musik si ersenar bagi gitar, tapi bentukna beda.
^ Ntah “Kumainken pagi musik.”
^ Ntah “Baluren.”
^ Ntah banci saja “Dibata bas inganNa si badia.”
