Masmur 112:1-10
112 Pujilah Jahwe!*+
א [Alep]
Ermeriah ukur kap kalak si mbiar man Jahwe.+
ב [Bet]
Si meriah kel akapna ngikutken perentah-perentahNa.+
ג [Gimel]
2 Keturunenna pagi si megegehna i doni,ד [Dalet]Ipasu-pasu pagi keturunen kalak si bersih pusuhna.+
ה [He]
3 Erta ras kebayaken lit bas rumahna,ו [Waw]Kiniulinna lit seh rasa lalap.
ז [Zayin]
4 Kalak si bersih pusuhna, ersinar pagi bagi terang bas kegelapen.+
ח [Het]
Ia mehuli, perkuah,+ janah adil.
ט [Tet]
5 Ermeriah ukur kap kalak si nggit mereken pinjamen.+
י [Yod]
Lalap adil perbahanenna.
כ [Kap]
6 Ndigan pe labo ia guling.+
ל [Lamed]
Kalak si benar iinget pagi rasa lalap.+
מ [Mem]
7 Labo ia mbiar man berita si la mehuli.+
נ [Nun]
Paguh ukurna perban tek ia man Jahwe.+
ס [Samek]
8 Paguh ukurna, labo pagi ia mbiar,+ע [Ayin]Idahna pagi dungna talu musuh-musuhna.+
פ [Pe]
9 Meriah akapna mere, meriah akapna nampati kalak si mesera.+
צ [Tsade]
Kiniulinna lit seh rasa lalap.+
ק [Qop]
Reh gegehna pagi ia janah reh muliana.
ר [Res]
10 Idah kalak jahat pagi kerna si e janah merawa ia.
ש [Syin]
Erderep pagi ipenna janah kernep ia.
ת [Taw]
Sia-sia pagi sura-sura kalak si jahat.+
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.