Masmur 113:1-9
113 Pujilah Jahwe!*
Pujilah Jahwe, o pelayan-pelayanNa,Pujilah gelar Jahwe.
2 Mbera-mbera gelar Jahwe ipuji,Gundari nari seh rasa lalap.+
3 Arah matawari terbit seh ku matawari terbenam,Mbera-mbera gelar Jahwe ipuji.+
4 Ndauh ganjangen Jahwe asangken kerina bangsa,+KemulianNa ganjangen asangken langit.+
5 Ise si bagi Jahwe Dibatata,+Si tading* bas ingan si meganjang?
6 Mungkuk Ia guna ngenen langit ras doni,+
7 AngkatNa kalak si lemah arah abu nari.
AngkatNa kalak si mesera arah tumpuken abu* nari+
8 Gelah kundul kalak e ras bangsawan-bangsawan,Ras bangsawan si lit i tengah-tengah umatNa.
9 BanNa diberu si mandul jadi sekalak nande si ermeriah ukur ras anak-anakna+Bas rumahna.
Pujilah Jahwe!*
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.
^ Ntah “Si kundul bas tahta.”
^ Ntah banci saja “arah ingan sampah.”
^ Ntah “Haleluya.” As. “Jah.” Jah eme singkaten gelar Jahwe.