Masmur 115:1-18
115 Perban kekelengenNdu si setia ras kesetianNdu,+GelarNdu saja si patut imuliaken o Jahwe,+Labo kami, labo kami.
2 Engkai arus isungkun bangsa-bangsa,
“I ja Dibata kalak e?”+
3 Dibata kami lit i surga,LakokenNa kai pe ateNa ibanNa.
4 Berhala-berhala kalak e iban arah pirak ras emas nari,Manusia si erbanca.+
5 Lit babahna, tapi la banci ngerana,+Lit matana, tapi la erpengidah,
6 Lit cupingna, tapi la erpemegi,Lit igungna, tapi la banci nganggeh,
7 Lit tanna, tapi la banci ndadap,Lit nahena, tapi la banci erdalan,+Lit kerahungna, tapi la banci ersora.+
8 Kalak si erban berhala e seri pagi bagi berhala e,+Bage ka pe kalak si tek man berhala e.+
9 O Israel, teklah man Jahwe,+Ia kap si nampati kena ras perisai* kena.+
10 O keturunen Harun,+ teklah man Jahwe,Ia kap si nampati kena ras perisai kena.
11 O kena si mbiar man Jahwe, teklah man Jahwe,+Ia kap si nampati kena ras perisai kena.+
12 Inget Jahwe kap kita janah pasu-pasuNa pagi kita,Pasu-pasuNa pagi keturunen Israel,+Pasu-pasuNa pagi keturunen Harun,
13 Pasu-pasu Jahwe pagi kalak si mbiar man baNa,Kalak si nguda denga ntah pe si enggo metua.
14 Ban Jahwe pagi kena reh teremna,Kena bage pe keturunen kena.+
15 Mbera-mbera pasu-pasu Jahwe kena pagi,+Dibata Si Erban langit ras doni.+
16 Jahwe kap si mpuna langit,+Janah doni berekenNa man manusia.+
17 Kalak mate labo banci muji Jahwe,*+Bage pe kerina kalak si nusur ku kuburen.+
18 Tapi sipuji pagi Jahwe*Gundari nari seh rasa lalap.
Pujilah Jahwe!*
Cataten i teruh
^ Ntah “ampang-ampang.”
^ As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
^ Ntah “Haleluya.” As. “Jah.” Jah eme singkaten gelar Jahwe.
