Masmur 116:1-19
116 Keleng ateku JahwePerban begiNa* soraku mindo penampat.+
2 Mungkuk Ia megiken aku,+Janah erlebuh pagi aku man baNa segedang geluhku.
3 Nali-nali kematen ngelilit aku,Tagangi Kuburen* aku alu megegeh.+
Susah kuakap janah erceda ate kel aku.+
4 Tapi erlebuh aku man gelar Jahwe,+Ningku, “O Jahwe, selamatken min aku!”
5 Jahwe mehuli janah adil,+Perkuah kap Dibatata e.+
6 Jaga Jahwe kalak si la erpengalamen.+
Sanga lemah aku, sampatiNa aku.
7 Lanai aku kuatir,Sebap mehuli Jahwe man bangku.
8 SelamatkenNa aku arah kematen nari,ApusiNa iluhku, janah la pediatNa aku guling.+
9 Erdalan pagi aku i lebe-lebe Jahwe bas negri kalak si nggeluh.
10 Perban aku erkiniteken emaka aku ngerana,+Amin pe susah kel kuakap.
11 Mbiar kel aku janah ningku,
“Perbual kerina manusia.”+
12 Kai nge si banci kubereken man JahweGuna mbalas kerina kiniulinNa man bangku?
13 Minem pagi aku arah cangkir keselamaten,Janah erlebuh pagi aku bas gelar Jahwe.
14 Kutepati pagi janjiku man JahweI lebe-lebe kerina umatNa.+
15 Kebenen kel* JahweAdi mate pelayanNa si setia.+
16 O Jahwe, mindo aku man baNdu,Perban aku pelayanNdu.
PelayanNdu kap aku, anak arah budakNdu si diberu.
Enggo pulahiNdu aku arah si ngiket aku.+
17 Kupersembahken pagi man baNdu korban pengatan bujur,+Erlebuh pagi aku bas gelar Jahwe.
18 Kutepati pagi janjiku man Jahwe+I lebe-lebe kerina umatNa,+
19 I halamen rumah Jahwe,+I tengah-tengah Jerusalem.
Pujilah Jahwe!*+
Cataten i teruh
^ Ntah banci saja “Keleng ateku perban begiken Jahwe.”
^ As. “Merga kel akap.”
^ Ntah “Haleluya.” As. “Jah.” Jah eme singkaten gelar Jahwe.
