Masmur 118:1-29
118 Katakenlah bujur man Jahwe, sebap mehuli kap Ia,+KekelengenNa si setia lit rasa lalap.
2 Mbera-mbera nina Israel,
“KekelengenNa si setia lit rasa lalap.”
3 Mbera-mbera nina keturunen Harun,
“KekelengenNa si setia lit rasa lalap.”
4 Mbera-mbera nina kalak si mbiar man Jahwe,
“KekelengenNa si setia lit rasa lalap.”
5 Sanga aku susah, erlebuh aku man Jahwe,*Aloi Jahwe* aku janah babaNa aku ku ingan si aman.+
6 Jahwe kap ras aku, emaka labo aku mbiar.+
Kai kin si banci lakoken manusia man bangku?+
7 Jahwe kap ras aku, Ia kap si nampati aku,*+Kuidah pagi talu kalak si rate segat man bangku.+
8 Pangen kap erlindung man JahweAsangken tek man manusia.+
9 Pangen kap erlindung man JahweAsangken tek man peminpin-peminpin.+
10 Kerina bangsa ngepung aku,Tapi bas gelar Jahwe,Kupaksa kalak e mundur.+
11 Kepung kalak e aku, tuhu-tuhu aku ikepungna,Tapi bas gelar Jahwe,Kupaksa kalak e mundur.
12 Kalak e bagi lebah si ngepung aku,Tapi mis kalak e mate bagi api bas peren si erduri.
Bas gelar Jahwe,Kupaksa kalak e mundur.+
13 Sorongna aku* gelah aku ndabuh,Tapi sampati Jahwe aku.
14 Jahwe* kap gegehku ras inganku erlindung,Ia kap si nelamatken aku.+
15 Terbegi sora keriahen ukur ras kemenangen*Bas kemah-kemah kalak si benar.
Cidahken tan kanan Jahwe gegehNa.+
16 Angkat Jahwe tan kananNa meganjang si jadi tanda kemenangen,Cidahken tan kanan Jahwe gegehNa.+
17 Labo pagi aku mate, tetap pagi aku nggeluh,Gelah kuceritaken perbahanen Jahwe.*+
18 Mberat kel hukumen si bereken Jahwe* man bangku,+Tapi la pediatNa aku mate.+
19 Talangi min gerbang-gerbang keadilen man bangku,+Masuk pagi aku ku bas janah kupuji Jahwe.*
20 Enda kap gerbang Jahwe.
Masuk pagi kalak si benar ku bas.+
21 Kupuji pagi Kam, sebap aloiNdu aku,+Janah Kam kap si nelamatken aku.
22 Batu si tulak tukang bangunen,Enggo jadi batu si utama.+
23 Batu e rehna bas Jahwe nari,+Luar biasa kel e man banta.+
24 Enda kap wari si itentuken Jahwe,Meriah pagi ukurta janah senang kita perban si e.
25 O Jahwe, mindo kami, selamatken min kami!
O Jahwe, bereken min kemenangen man kami!
26 Ipasu-pasu kap kalak si reh bas gelar Jahwe,+Ipasu-pasu kami kena arah rumah Jahwe nari.
27 Jahwe kap Dibata,BerekenNa terang man banta.+
Ikutkenlah pawai bas perayan janah babalah dahan-dahan,+Seh ku tanduk-tanduk bas ingan nutung* persembahen.+
28 Kam kap Dibataku janah kupuji pagi Kam,O Dibataku, kumuliaken pagi Kam.+
29 Katakenlah bujur man Jahwe,+ sebap mehuli kap Ia,KekelengenNa si setia lit rasa lalap.+
Cataten i teruh
^ As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
^ Ntah banci saja “Ia kap ras kalak si nampati aku.”
^ Ntah banci saja “Megegeh aku sorongNdu.”
^ As. “Jah.” Jah eme singkaten gelar Jahwe.
^ Ntah “keselamaten.”
^ As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
