Masmur 12:1-8
-
Jahwe ertindak
-
Kata-kata Dibata murni kap (6)
-
Man peminpin musik, alu nada Seminit.* Lagu si iban Daud.
12 Selamatken min aku o Jahwe, perban kalak si setia enggo lanai lit,Kalak si terteki enggo lanai lit.
2 Kerina kalak erbual man kalak si deban,Pujina kalak tapi la arah pusuhna, tipuna kalak si deban.+
3 Pesinik Jahwe babah kalak si la arah ukurna nari mereken pujin,PotongNa dilah kalak si sombong ngerana,+
4 Si ngataken, “Pasti berhasil kami perban dilah kami.
Ate-ate kami kap ngerana.
Ise si banci ngatur kami?”+
5 Nina Jahwe, “Perban kalak si susah itindas,Kalak si mesera mengeluh,+Kuban pagi tindaken,Kuselamatken pagi kalak e arah kalak si rate segat man kalak e.”
6 Kai si kataken Jahwe murni kap,+Bagi pirak si imurniken pitu kali bas tungku taneh liat.*
7 O Jahwe, jagaNdu pagi kalak e,+LindungiNdu pagi kerina keturunenna seh rasa lalap.
8 Kalak jahat bebas ku jah ku jePerban ipuji manusia kai si jahat.+