Masmur 127:1-5
Lagu Kalak si Nangkeng ku Kota. Lagu si iban Salomo.
127 Adi la kin Jahwe si mbangun rumah,Sia-sia kap kerja keras kalak si mbangunsa.+
Adi la kin Jahwe si njaga kota,+Sia-sia kap penjaga terus erjaga.
2 Sia-sia kap kena lampas medak,Erdahin ngasa tengah berngi,Kerja keras ndarami pangan,Sebap isikapken Dibata keperlun kalak si kelengiNa janah banNa entabeh pertunduhna.+
3 Anak-anak eme pemere arah Jahwe nari,+Anak-anak eme kap pasu-pasu arah Dibata.+
4 Anak-anak si ilahirken kalak si nguda denga,+Bali bagi anak panah bas tan dilaki si megegeh.
5 Ermeriah ukur kap dilaki si ndemi ingan anak panahna alu si e kerina.+
Labo pagi kalak e ipermelaken musuh-musuhna,Sebap ibela anak-anakna pagi kalak e i gerbang kota.