Masmur 132:1-18
Lagu Kalak si Nangkeng ku Kota.
132 O Jahwe, inget min DaudRas kerina kesusahenna.+
2 Ersumpah ia man Jahwe,Erjanji ia man Dibata Jakup Si Megegeh,+ nina,
3 “La pagi aku masuk ku kemahku, ku rumahku.+
La pagi aku tayang bas ingan medemku,
4 La pagi aku terpedem,La pagi kupediat mataku pitpit,
5 Seh ngasa kudat ingan man Jahwe,Ingan tading si mejile* man Dibata Jakup Si Megegeh.”+
6 Enggo begi kami kerna si e bas Eprata,+Dat kami si e bas daerah kerangen.+
7 Ning kami, “Ota kita lawes ku inganNa tading,*+Ota kita sujud i bas ingan naheNa.”+
8 O Jahwe, tediskenlah, rehlah ku ingan istrahatNdu,+Kam bage pe Peti Perjanjin* si jadi tanda kuasaNdu.+
9 Mbera-mbera imam-imamNdu ruisken kebenaren,Janah mbera-mbera umatNdu si setia ersurak ermeriah ukur.
10 Ula min tulakNdu kalak si lantikNdu,+Guna Daud pelayanNdu.
11 Enggo ersumpah Jahwe man Daud,Pasti pagi tepatiNa si katakenNa enda:
“Salah sada keturunennduKundul pagi bas tahtandu.+
12 Adi patuhi anak-anakndu perjanjinKu,Bage pe penginget-penginget si Kuajarken man kalak e,+Anak-anakna peKundul pagi i tahtandu seh rasa lalap.”+
13 Sebap enggo ipilih Jahwe Sion,+Merhat Ia ingan e jadi inganNa tading,+ janah nina,
14 “Enda kap ingan istrahatKu seh rasa lalap,I jenda me Aku tading,+ sebap enda me sura-suraKu.
15 Melala kel pagi pasu-pasu si Kubereken man persedian panganna,Kubesuri pagi pendudukna si mesera alu pangan.+
16 Iman-imamna ruisken keselamaten pagi,+Janah pendudukna si setia ersurak pagi alu ermeriah ukur.+
17 I je me pagi Kuban Daud reh gegehna.
Enggo Kusikapken sada lampu man kalak si Kupilih.+
18 Kupermelaken pagi musuh-musuhna,Kuban pagi kerajanna maju ras makmur.”+
Cataten i teruh
^ Ntah “Kemah ingan ersembah si mulia.”
^ Ntah “ku kemah ingan ersembah si mulia.”
^ Ntah “Peti Perpadanen.”
