Masmur 135:1-21
135 Pujilah Jahwe!*
Pujilah gelar Jahwe,O pelayan-pelayan Jahwe, pujilah Ia,+
2 Kena si tedis i rumah Jahwe,I halamen rumah Dibatata.+
3 Pujilah Jahwe,* sebap Ia mehuli.+
Pujilah* gelar Jahwe, perban e mereken keriahen ukur.
4 Sebap Jahwe* enggo milih Jakup guna baNa,Israel jadi jangNa si istimewa.*+
5 Kuteh maka Jahwe e mulia,Tuhanta ganjangen asangken kerina dibata si deban.+
6 Lakoken Jahwe kai pe si merhat Ia ngelakokenca,+I langit, i doni, i laut, bage pe bas kerina ingan si mbages.
7 BanNa embun* nangkih arah ujung-ujung doni,BanNa ndarat kilap* sanga udan,PedaratNa angin arah inganNa nimpansa.+
8 BunuhNa anak-anak si pertama lahir bas Mesir,La soal e anak manusia ntah pe anak binatang.+
9 O Mesir, iban Dibata tanda-tanda ras mukjizat-mukjizat ku tengah-tengahndu,+Guna ngelawan raja Mesir* ras kerina pelayan-pelayanna.+
10 KernepkenNa melala bangsa+Janah bunuhNa raja-raja si megegeh,+
11 Raja Sihon eme raja kalak Amori,+Ras Og eme raja Basan,+Bage pe kerina kerajan i Kanaan.
12 BerekenNa negri kalak e jadi warisen,Jadi warisen man bangsaNa eme kalak Israel.+
13 O Jahwe, gelarNdu lit rasa lalap.
O Jahwe, gelarNdu lit arah jaman ku jaman.+
14 Sebap ibela Jahwe pagi bangsaNa,+Janah mekuah pagi ateNa man pelayan-pelayanNa.+
15 Berhala bangsa-bangsa iban arah pirak ras emas nari,Manusia si erbanca.+
16 Lit babahna, tapi la banci ngerana,+Lit matana, tapi la erpengidah,
17 Lit cupingna, tapi la erpemegi,Janah la banci erkesah.+
18 Kalak si erban berhala e seri pagi bagi berhala e,+Bage ka pe kalak si tek man berhala e.+
19 O kalak Israel, pujilah Jahwe.
O keturunen Harun, pujilah Jahwe.
20 O keturunen Lewi, pujilah Jahwe.+
O kena si mbiar man Jahwe, pujilah Jahwe.
21 Mbera-mbera Jahwe ipuji arah Sion nari,+Ia kap si tading i Jerusalem.+
Pujilah Jahwe!*+
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.
^ As. “Jah.” Jah eme singkaten gelar Jahwe.
^ Ntah “Mainkenlah musik guna.”
^ As. “Jah.” Jah eme singkaten gelar Jahwe.
^ Ntah “si seh kel ergana.”
^ Ntah “uap.”
^ Ntah banci saja “BukaNa pintu-pintu lau.”
^ As. “Paro; Firaun.” Penggelaren man raja Mesir.
^ As. “Jah.” Jah eme singkaten gelar Jahwe.