Masmur 136:1-26

  • Kekelengen Jahwe si setia lit rasa lalap

    • Langit ras doni iban alu mehuli (5, 6)

    • Raja Mesir mate bas Laut Merah (15)

    • Inget Dibata kalak si ihina (23)

    • Pangan man kerina si nggeluh (25)

136  Katakenlah bujur man Jahwe sebap mehuli kap Ia,+KekelengenNa si setia tetap lit rasa lalap.+  2  Katakenlah bujur man Dibata si ganjangen asangken kerina dibata si deban,+Sebap kekelengenNa si setia tetap lit rasa lalap.  3  Katakenlah bujur man Tuhan si ganjangen asangken kerina tuhan si deban,Sebap kekelengenNa si setia tetap lit rasa lalap.  4  Ia kap ngenca si ngelakoken kai si luar biasa,+Sebap kekelengenNa si setia tetap lit rasa lalap.+  5  BanNa langit alu kepentarenNa,+Sebap kekelengenNa si setia tetap lit rasa lalap.  6  KimbangkenNa doni i datas lau,+Sebap kekelengenNa si setia tetap lit rasa lalap.  7  BanNa benda-benda si galang guna nerangi,+Sebap kekelengenNa si setia tetap lit rasa lalap.  8  Matawari erkuasa sanga ciger wari,+Sebap kekelengenNa si setia tetap lit rasa lalap.  9  Bulan ras bintang erkuasa sanga berngi,+Sebap kekelengenNa si setia tetap lit rasa lalap. 10  BunuhNa anak-anak si pertama lahir bas Mesir,+Sebap kekelengenNa si setia tetap lit rasa lalap. 11  BabaNa Israel ndarat arah tengah-tengah kalak e,+Sebap kekelengenNa si setia tetap lit rasa lalap, 12  Alu tanNa si megegeh+ ras si erkuasa,Sebap kekelengenNa si setia tetap lit rasa lalap. 13  BelahNa Laut Merah jadi dua,+Sebap kekelengenNa si setia tetap lit rasa lalap. 14  BanNa kalak Israel erdalan i tengah-tengah laut e,+Sebap kekelengenNa si setia tetap lit rasa lalap. 15  GedapkenNa raja Mesir ras pasukenna ku bas Laut Merah,+Sebap kekelengenNa si setia tetap lit rasa lalap. 16  BabaiNa bangsaNa arah taneh mesawang,*+Sebap kekelengenNa si setia tetap lit rasa lalap. 17  BunuhNa raja-raja si hebat,+Sebap kekelengenNa si setia tetap lit rasa lalap. 18  BunuhNa raja-raja si megegeh,Sebap kekelengenNa si setia tetap lit rasa lalap, 19  Eme Sihon+ raja kalak Amori,Sebap kekelengenNa si setia tetap lit rasa lalap, 20  Bage pe Og+ raja Basan,Sebap kekelengenNa si setia tetap lit rasa lalap. 21  BerekenNa negri kalak e jadi warisen,+Sebap kekelengenNa si setia tetap lit rasa lalap, 22  Jadi warisen man pelayanNa Israel,Sebap kekelengenNa si setia tetap lit rasa lalap. 23  IngetNa kita sanga kita ihina,+Sebap kekelengenNa si setia tetap lit rasa lalap.+ 24  Lalap selamatkenNa kita arah musuh-musuh,+Sebap kekelengenNa si setia tetap lit rasa lalap. 25  BereNa pangan man kerina si nggeluh,+Sebap kekelengenNa si setia tetap lit rasa lalap. 26  Katakenlah bujur man Dibata si i surga,Sebap kekelengenNa si setia tetap lit rasa lalap.

Cataten i teruh

^ Taneh si mbelang si jarang iingani.
PUSTAKA SI BADIA TERJEMAHEN DONI SI MBARU
Masmur 136
Batak (Karo)
Baca Pustaka si Badia Online
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt hal. 40