Masmur 138:1-8
Lagu si iban Daud.
138 Kupuji pagi Kam alu bulat ukurku.+
I lebe dibata-dibata si deban,Kuendeken pagi pujin man baNdu.*
2 Sujud pagi aku janah kualaken ku rumah pertotonNdu si badia,+Kupuji pagi gelarNdu+Perban kekelengenNdu si setia ras kesetianNdu.
Enggo banNdu kataNdu ras gelarNdu ganjangen asangken kerinana.*
3 Sanga kulebuh Kam, aloiNdu aku,+BanNdu aku pang ras megegeh.+
4 O Jahwe, kerina raja i doni muji Kam pagi,+Sebap begi kalak e pagi janji si enggo katakenNdu.
5 Endeken kalak e pagi kerna dalan-dalan Jahwe,Sebap luar biasa kap kemulian Jahwe.+
6 Amin pe Jahwe mulia, perdiatekenNa kalak si meteruk ukur,+Tapi labo Ia nggit ndeher ras kalak si meganjang rukur.+
7 Sanga aku erdalan i tengah-tengah bahaya, jagaNdu aku tetap nggeluh.+
DudurkenNdu tanNdu ngelawan musuh-musuhku si merawa,Tan kananNdu pagi si nelamatken aku.
8 Lakoken Jahwe pagi kerina sura-suraNa guna aku.
O Jahwe, kekelengenNdu si setia tetap lit rasa lalap,+Ula min tadingken manusia si ciptakenNdu.+
Cataten i teruh
^ Ntah banci saja “Guna nentang dibata-dibata si deban, Kumainken pagi musik man baNdu.”
^ Ntah banci saja “kataNdu ganjangen asangken gelarNdu.”
