Masmur 139:1-24
Man peminpin musik. Masmur si iban Daud. Sada lagu.
139 O Jahwe, enggo pereksaNdu aku janah tandaiNdu aku.+
2 TehNdu sanga aku kundul ras sanga aku tedis.+
Dauh-dauh nari pe angkaNdu perukurenku.+
3 PerdiatekenNdu aku sanga bas perdalanen bage pe sanga aku tayang,TandaiNdu kerina dalan-dalanku.+
4 O Jahwe, lenga pe aku ngerana,Enggo angkaNdu kai si ateku kukataken.+
5 KelilingiNdu aku arah japa pe,Janah lindungiNdu aku alu tanNdu.
6 PemetehNdu mbagessa man bangku,Janah la aku ngasup ngangkaisa.+
7 Ku ja aku lawes gelah banci pulah arah kesah si badiaNdu nari,Ku ja aku cebuni gelah la idahNdu?+
8 Adi nangkih aku ku langit, enggo i je Kam,Adi tayang aku i bas Kuburen,* enggo i je Kam.+
9 Adi banci min ndai aku meter kabang bagi sinar erpagi-pagiGuna tading bas pulau si ndauhna kel,
10 Bas ingan e pe aku, tanNdu lalap mabai aku,Janah tan kananNdu si ngelindungi aku.+
11 Adina ningku, “Pasti tutupi kegelapen aku!”
Tapi berngi si engkelilingi aku berubah jadi terang.
12 Kegelapen pe labo gelapsa man baNdu,Janah berngi pe jadi terang bagi ciger wari,+Kegelapen bagi terang man baNdu.+
13 Kam kap si erban ginjalku,Kam kap si nutupi* aku bas rahim mamakku.+
14 Kupuji Kam perban ibanNdu aku alu cara si luar biasa.+
PendahinNdu luar biasa kel,+Kuteh kel kerna si e.
15 Tulan-tulanku la terbuni arah Kam nari,Sanga aku iban bas ingan rahasia,Sanga aku ibentuk bas rahim mamakku.+
16 Bas rahim mamakku pe aku idahNdu.
Kerina baginku tertulis bas bukuNdu,Kerna wari-wari sanga aku ibentuk,Sope lenga kadeku pe terbentuk.
17 O Dibata, merga kel kuakap perukurenNdu!+
Seh kel buena jumlahna!+
18 Adi kucubaken ngkirasa, jumlahna ndauh buen asangken kersik.+
Sanga medak aku, tetap denga kukira.*+
19 O Dibata, adi bunuhNdu kalak jahat,+Kalak si kejam pe pasti lawes nadingken aku,
20 Kalak si ngataken si la mehuli kerna Kam alu sura-sura si jahat,Kalak e me musuh-musuh si nggunaken gelarNdu alu sembarangen.+
21 O Jahwe, la kin segat ateku man kalak si rate segat man baNdu,+Janah ciga ateku man kalak si mberontak man baNdu?+
22 Segat kel ateku kalak e,+Kalak e kap situhuna musuh-musuhku.
23 O Dibata, pereksa min aku janah tandai pusuhku.+
Pereksa min aku janah angkai perukurenku si la tenang.+
24 Pereksa min ntah lit kin si jahat bas aku,+Janah babai min aku+ bas dalan si mabai ku kegeluhen si rasa lalap.
