Masmur 140:1-13
Man peminpin musik. Lagu si iban Daud.
140 O Jahwe, selamatken min aku arah kalak jahat,Lindungi min aku arah kalak si kejam,+
2 Arah kalak si erban rencana si jahat bas pusuhna,+Ras si erban perubaten gedang-gedang wari.
3 Dilah kalak e ntelap bagi dilah nipe,+Lit bisa nipe bas biber kalak e.+ (Sela)
4 O Jahwe, lindungi min aku arah tan kalak jahat,+Selamatken min aku arah kalak si kejam,Eme kalak si atena erban aku jongkang.
5 Pasang kalak si sombong siding man bangku,Kimbangkenna jaring bas dalanku.+
Pasangna jerat man bangku.+ (Sela)
6 Ningku man Jahwe, “Kam kap Dibataku.
O Jahwe, begiken min aku mindo penampat.”+
7 O Jahwe Tuhan Si Meganjangna, Penyelamatku si megegeh,LindungiNdu aku* bas wari peperangen.+
8 O Jahwe, ula min ban sura-sura kalak jahat terjadi.
Ula min pediat rencana kalak e berhasil, gelah ula kalak e meganjang rukur.+ (Sela)
9 Mbera-mbera kai si jahat si cakapken kalak si lit i sekelilingkuTerjadi man kalak e.+
10 Mbera-mbera ndabuhen rara si gara ku kalak e.+
Mbera-mbera kalak e ibenterken ku api,Ku lubang si mbages+ janah lanai pernah ndarat.
11 Mbera-mbera la pagi lit ingan man tukang pitnah i doni.+
Mbera-mbera kejahaten ngayaki ras munuh kalak si kejam.
12 Kuteh maka ibela Jahwe pagi kalak si lemah,Janah adil perbahanenNa man kalak si mesera.+
13 Pasti pagi ngata bujur kalak si benar man gelarNdu.
Kalak si bersih pusuhna ringan pagi i lebe-lebeNdu.+
Cataten i teruh
^ As. “takalku.”
