Masmur 141:1-10
Lagu si iban Daud.
141 O Jahwe, erlebuh aku man baNdu.+
Meter min sampatiNdu aku.+
Perdiateken min sanga kulebuh Kam.+
2 Mbera-mbera totoku bagi kemenyan+ si enggo isikapken i lebe-lebeNdu.+
Kuangkat tanku bagi persembahen pangan* sanga karaben.+
3 O Jahwe, sampati min aku njagai babahku,Sampati min aku njagai biberku.+
4 Ula pediat pusuhku ngikutken kai pe si jahat,+Gelah la kulakoken si jahat radu ras kalak jahat,Mbera-mbera ndigan pe la pernah kupan panganna si entabeh.
5 Adi pekpek kalak si benar aku, e bukti kekelengen si setia,+Adi persingetina aku, e bagi minak man takalku,+Labo ndigan pe kutulak si e.+
Sanga ia susah pe, tetap kutotoken.
6 Amin pe hakim-hakim ibenterken arah tebing batu,Begiken kalak pagi kata-kataku perban e erban meriah ukur.
7 Bagi taneh si hancur perban ibajak,Bage me tulan-tulan kami merap i Kuburen.*
8 Tapi kuandalken Kam, o Jahwe Tuhan Si Meganjangna.+
Kam kap inganku erlindung.
Ula min pediatNdu aku mate.
9 Lindungi min aku arah perangkap si ipasang guna nangkap aku,Arah jerat kalak jahat.
10 Kerina kalak jahat ndabuh pagi ku jaring si ibanna,+Tapi lewat pagi aku janah selamat.
