Masmur 142:1-7
Maskil.* Toto Daud sanga ia bas gua.+ Sada pertoton.
142 Erlebuh aku mindo penampat man Jahwe,+Erlebuh aku mindo perkuah ate man Jahwe.
2 I lebe-lebeNa kuceritaken kerina si erban aku kuatir,I lebe-lebeNa kuceritaken kesusahenku.+
3 Sanga la aku semangat,*PerdiatekenNdu dalan-dalanku.+
Bas dalan si kudalani,Buniken musuh-musuhku jerat guna nangkap aku.
4 Nenlah sekelilingku,La lit si mperdiateken* aku.+
Ku japa pe la banci aku kiam,+La lit si ngukuri aku.
5 O Jahwe, erlebuh aku man baNdu mindo penampat.
Ningku, “Kam kap inganku erlindung.+
Kam ngenca arapenku bas doni enda.”
6 Begiken min soraku serko mindo penampat,Perban putus asa kel aku.
Bebasken min aku arah kalak si nyiksa aku,+Perban gegehen kalak e asangken aku.
7 Pedarat min aku arah penjara teruh taneh nariGuna muji gelarNdu.
Mbera-mbera aku ikelilingi kalak si benar,Sebap mehuli kap Kam man bangku.
