Masmur 145:1-21
Lagu pujin arah Daud.
א [Alep]
145 O Dibataku, Rajaku, kumuliaken pagi Kam,+Kupuji pagi gelarNdu seh rasa lalap.+
ב [Bet]
2 Kupuji pagi Kam gedang-gedang wari,+Kupuji pagi gelarNdu seh rasa lalap.+
ג [Gimel]
3 Jahwe luar biasa janah patut kel ipuji,+KemulianNa la terselidiki.*+
ד [Dalet]
4 Puji kalak pagi pendahinNdu arah jaman ku jaman,Ceritakenna pagi kerna perbahanenNdu si luar biasa.+
ה [He]
5 Ceritaken kalak e pagi kerna kemulianNdu ras uga hebatna pemerentahenNdu,+Janah kuukuri pagi perbahanenNdu si luar biasa.
ו [Waw]
6 Ceritaken kalak e pagi kerna kuasaNdu* si luar biasa,Janah kuberitaken pagi kemulianNdu.
ז [Zayin]
7 Sanga inget kalak e uga belinna kiniulinNdu, pujin kalak e maler bagi mata lau,+Janah ersurak pagi kalak e perban keadilenNdu.+
ח [Het]
8 Jahwe mehuli ras perkuah,+La nukah merawa janah dem alu kekelengenNa si setia.+
ט [Tet]
9 Mehuli kap Jahwe man kerina si nggeluh,+Janah mekuah ateNa kerina si ciptakenNa.
י [Yod]
10 O Jahwe, kerina si ciptakenNdu muji Kam pagi,+Janah umatNdu si setia muji Kam pagi.+
כ [Kap]
11 Beritaken kalak e pagi kemulian kerajanNdu,+Janah cakapken kalak e kerna kuasaNdu,+
ל [Lamed]
12 Gelah teh manusia kerna perbahanenNdu si luar biasa,+Bage pe kemulian kerajanNdu si luar biasa.+
מ [Mem]
13 KerajanNdu tahan seh rasa lalap,Janah pemerentahenNdu lit arah jaman ku jaman.+
ס [Samek]
14 Pegegehi Jahwe kerina kalak si nandangi ndabuh,+PegegehiNa kalak si susah.+
ע [Ayin]
15 Kerina si nggeluh ngarap man baNdu,BereNdu kalak e pangan bas waktuna.+
פ [Pe]
16 BukaNdu tanNdu,SehkenNdu sura-sura kerina si nggeluh seh asa puas.+
צ [Tsade]
17 Lalap lakoken Jahwe kai si benar,+Janah setia Ia bas kerina si lakokenNa.+
ק [Qop]
18 Ndeher kap Jahwe man kerina si erlebuh man baNa,+Eme kerina kalak si erlebuh man baNa bas kebenaren.*+
ר [Res]
19 SehkenNa sura-sura kerina si mbiar man baNa seh asa puas,+BegikenNa sora kalak e mindo penampat janah selamatkenNa kalak e.+
ש [Syin]
20 Jaga Jahwe kerina si engkelengi Ia,+Tapi kernepkenNa kerina kalak si jahat.+
ת [Taw]
21 Kupuji pagi Jahwe,+Mbera-mbera kerina si nggeluh muji gelarNa si badia seh rasa lalap.+