Masmur 146:1-10
146 Pujilah Jahwe!*+
Kupuji Jahwe.+
2 Kupuji pagi Jahwe segedang geluhku.
Kuendeken pagi pujin* man Dibataku gedang-gedang geluhku.
3 Ula tek man peminpin-peminpin*Ntah man manusia, si la banci nelamatken.+
4 Sanga ngadi ia erkesah, mulihken ia ku taneh,+Paksa si e bene perukurenna.+
5 Ermeriah ukur kap kalak si mindo penampat man Dibata Jakup,+Si erpengarapen man Jahwe Dibatana.+
6 Si Nciptaken langit ras doni,Laut, ras kerina isina,+Dibata si tetap setia.+
7 Si adil man kalak si itindas,Si mereken pangan man kalak si melihe.+
Bebasken Jahwe kalak si itaban.+
8 Buka Jahwe mata kalak si pentang,+Pegegehi Jahwe kalak si susah,+Keleng ate Jahwe kalak si benar.
9 Lindungi Jahwe penduduk asing,SampatiNa anak si la erbapa bage pe janda,+Tapi rencana kalak jahat gagalkenNa.+
10 Jahwe kap pagi jadi Raja seh rasa lalap,+O Sion, jadi Raja pagi Dibata kena seh rasa lalap.
Pujilah Jahwe!*
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.
^ Ntah “Kumainken pagi musik.”
^ Ntah “bangsawan-bangsawan.”
^ Ntah “Haleluya.” As. “Jah.” Jah eme singkaten gelar Jahwe.