Masmur 148:1-14
148 Pujilah Jahwe!*
Pujilah Jahwe, o kena si lit i surga,+Pujilah Ia, o kena si lit bas ingan si meganjang.
2 Pujilah Ia, o kerina malekatNa,+Pujilah Ia, o kerina pasukenNa.+
3 Pujilah Ia, o matawari ras bulan,Pujilah Ia, o kerina bintang si ersinar.+
4 Pujilah Ia, o langit si meganjangna,O embun* si lit i langit.
5 Kerinalah ia muji gelar Jahwe,Sebap sanga bereNa perentah, jadi me ia kerina.+
6 BanNa si e kerina tetap lit seh rasa lalap,+BanNa peraturen si tetap lit seh rasa lalap.+
7 Pujilah Jahwe, o kerina si lit i doni,Kerina binatang raksasa bas laut bage pe kerina lau si mbages.
8 O kilap ras udan es, salju ras embun si mekapal,Bage pe angin badai si ngikutken kataNa,+
9 Gunung-gunung ras kerina bukit-bukit,+Batang kayu si erbuah ras kerina batang kayu aras,+
10 Binatang liar+ ras kerina asuh-asuhen,Binatang si njoler ras kerina perik-perik,
11 Raja-raja i doni ras kerina bangsa,Peminpin-peminpin ras kerina hakim i doni,+
12 Anak perana ras singuda-nguda,Si enggo metua ras si nguda denga.
13 Puji kalak e lah gelar Jahwe,Sebap gelarNa ngenca si meganjangna janah la terjaka.+
KemulianNa ganjangen asangken langit ras doni.+
14 BanNa pagi umatNa reh gegehNa,Gelah ipuji pagi kerina pelayanNa si setia,Eme keturunen Israel, umat si ndeher ras Ia.
Pujilah Jahwe!*
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.
^ Ntah “lau.”
^ Ntah “Haleluya.” As. “Jah.” Jah eme singkaten gelar Jahwe.