Masmur 150:1-6
150 Pujilah Jahwe!*+
Pujilah Dibata bas inganNa si badia.+
Pujilah Ia i langit si mbuktiken gegehNa.+
2 Pujilah Ia perban perbahanenNa si luar biasa.+
Pujilah Ia perban kemulianNa si luar biasa.+
3 Pujilah Ia alu sora trompet tanduk.+
Pujilah Ia alu alat musik si ersenar ras harpa.*+
4 Pujilah ia alu rebana+ janah landek.
Pujilah Ia alu suling+ ras alat musik si debanna.+
5 Pujilah Ia alu sora simbal.
Pujilah Ia alu megang janah mainken simbal.+
6 Pujilah Jahwe* o kerina si nggeluh.
Pujilah Jahwe.*+
Cataten i teruh
^ Ntah “Haleluya.” As. “Jah.” Jah eme singkaten gelar Jahwe.
^ Harpa eme alat musik si ersenar bagi gitar, tapi bentukna beda.
^ As. “Jah.” Jah eme singkaten gelar Jahwe.
^ Ntah “Haleluya.” As. “Jah.” Jah eme singkaten gelar Jahwe.