Masmur 16:1-11
Masmur* si iban Daud.
16 O Dibata, jagai min aku, sebap Kam kap inganku erlindung.+
2 Ningku man Jahwe, “Kam kap Jahwe. Bas kam nari kap kualoken kerina si mehuli.
3 Kalak si badia si lit i doni,Kalak si mulia e erban meriah ukurku.”+
4 Kalak si ngelayani dibata-dibata si deban, melala kel kesusahenna.+
La aku ikut muat bagin bas mereken persembahen inemen dareh si iban kalak e,Janah la kubelasken gelar dibata-dibata e.+
5 Ngelayani Jahwe kap baginku,+ Ia bagi cangkir si mereken kepuasen man bangku.+
JagaNa kap warisenku.
6 Ingan-ingan si mejile enggo isikapken man bangku.
Puas aku nandangi warisenku.+
7 Kupuji pagi Jahwe si mereken nasehat man bangku.+
Bas berngi wari pe ukurku* mereksa aku.+
8 O Jahwe, Kam tetap kutatap i lebe-lebeku.+
Perban lit Kam i sebelah kananku, tetap aku paguh.+
9 Emaka meriah kel ukurku, meriah kel kuakap.*
Janah aman geluhku.
10 Sebap labo pagi tadingkenNdu aku bas Kuburen.*+
Labo pagi pediatNdu kalak si setia ngidah lubang kuburen.*+
11 TuduhkenNdu dalan kegeluhen man bangku.+
I lebe-lebeNdu dem kap keriahen ukur,+Bas tan kananNdu lit kesenangen seh rasa lalap.
Cataten i teruh
^ Ntah “perasanku.” As. “ginjalku.”
^ As. “kemulianku eme meriah ukur.”
^ Ntah banci saja “ngidah pengkernepen.”