Masmur 17:1-15
Toto Daud
17 O Jahwe, begiken min aku mindo keadilen,Perdiateken min sanga aku serko mindo penampat,Begiken min pertotonku si rehna arah pusuhku nari.+
2 BanNdu min keputusen si adil man bangku,+NenNdu min kai si benar.
3 Enggo pereksaNdu pusuhku, pereksaNdu aku sanga berngi.+
Enggo murnikenNdu aku,+IdahNdu pagi maka labo lit rencanaku si jahat,Labo pagi aku salah perban ranan si kubelasken.
4 La soal kai pe si lakoken kalak si deban,La aku nggit ngikutken cara nggeluh perampok, perban kuikutken kata-kataNdu.+
5 Pediat min aku tetap erdalan bas dalanNduGelah naheku la tertuktuk.+
6 O Dibata, erlebuh aku man baNdu, perban pasti aku jawapNdu,+Banlah pengala cupingNdu ku aku. Begiken min kata-kataku.+
7 Cidahken min kekelengenNdu si setia alu cara si luar biasa,+O Kam Si Nelamatken kalak si erlindung bas tan kananNdu,Nelamatken arah kalak si mberontak ngelawan Kam.
8 Jaga min aku bagi anak mataNdu,+Buniken min aku i teruh kabengNdu.+
9 Lindungi min aku arah kalak jahat si nyerang aku,Arah musuh-musuh si ngepung aku si atena munuh aku.+
10 La lit perasan kalak e,Sombong kalak e ngerana.
11 Gundari kepung kalak e kami,+Daramina kesempaten ndabuhken kami.
12 Kalak e bagi singa si atena ncabik-cabik mangsana,Bagi anak singa si cebuni guna nyerang.
13 O Jahwe, tediskenlah, lawan ia+ janah taluken,Selamatken min aku arah kalak jahat alu pedangNdu.
14 O Jahwe, selamatken min aku alu tanNdu,Arah kalak si lit bas doni* enda, kalak si kegeluhen si gundari saja ngenca ukurina,+Arah kalak si enggo bereNdu melala si mehuli,+Bage pe arah kalak si nadingken warisenna man anakna si enterem.
15 Tapi aku, kutatap pagi ayoNdu perban kulakoken kai si benar,Puas pagi kuakap sanga medak aku i lebe-lebeNdu.+
Cataten i teruh
^ Ntah “jaman.”
