Masmur 18:1-50
Man peminpin musik. Arah Daud pelayan Jahwe. Tulisna lagu enda man Jahwe sanga selamatken Jahwe ia arah tan kerina musuh-musuhna bage pe arah tan Saul. Nina:+
18 O Jahwe, keleng kel ateku Kam, Kam kap gegehku.+
2 O Jahwe, Kam kap tebing batuku, Kam bagi kota si erbenteng man bangku, Kam kap Si Nelamatken aku.+
O Dibataku, Kam kap gunung batuku,+ man baNdu kap aku erlindung,Kam kap perisaiku,* Dibataku si megegeh si nelamatken aku,* inganku erlindung* si aman.+
3 Erlebuh aku man Jahwe, Ia kap si patut ipuji,SelamatkenNa aku arah musuh-musuhku nari.+
4 Nali-nali kematen ngelilit aku,+Mbiar aku iban kalak si la erguna si bagi banjir si mbelin.+
5 Nali-nali Kuburen* ngelilit aku,Siding kematen lit i lebe-lebeku.+
6 Sanga latih kel ukurku erlebuh aku man Jahwe,Lalap aku serko mindo penampat man Dibataku.
BegikenNa soraku arah rumah pertotonNa nari,+Soraku mindo penampat seh ku cupingNa.+
7 Doni mugur-ugur ras nggirgir.+
Pondasi gunung-gunung pe nggirgir,Mugur-ugur ku jah ku je perban enggo merawa Dibata.+
8 EmbuskenNa asap arah igungNa nari,PedaratNa api arah babahNa nari,+Rara api si gara ndarat arah Ia nari.
9 Sanga Ia nusur, banNa langit mbengkung,+Embun si mbiring lit i teruh naheNa.+
10 Kundul Ia i datas kerubim, kabang Ia ras.+
Meter kel Ia kabang ku teruh i datas kabeng malekat.+
11 Tutupina baNa alu kegelapen,+Embun si mekapal ras gelap engkelilingi IaBali bagi kemah.+
12 Arah kilap si lit i lebe-lebeNa,Itembus udan es ras rara api me embun-embun.
13 Kenca si e, ban Jahwe lenggur i langit,+Ban Dibata Si Meganjangna soraNa terbegi+Alu udan es ras rara api.
14 PanahkenNa anak-anak panahNa, janah merap banNa musuh-musuhNa,+PenusurNa kilapNa janah guntar banNa musuh-musuhNa.+
15 Pondasi-pondasi lau maler teridah dungna,+Pondasi-pondasi doni pe teridah dungna perban sergangNdu, o Jahwe,SergangNdu alu kesah si ndarat arah igungNdu nari.+
16 DudurkenNa tanNa arah ingan si meganjang nari,JemakNa aku, tarikNa aku arah lau si mbages nari.+
17 SelamatkenNa aku arah musuhku si megegeh,+Arah kalak si rate segat man bangku, si gegehen asangken aku.+
18 Lawan kalak e aku sanga aku susah,+Tapi tetap sampati Jahwe aku.
19 BabaNa aku ku ingan si aman,SelamatkenNa aku sebap jadi ateNa aku.+
20 Upahi Jahwe aku perban kulakoken si benar,+UpahiNa aku perban aku la ersalah.*+
21 Lalap kuikutken dalan-dalan Jahwe,La kulakoken si jahat alu nadingken Dibataku.
22 Kuinget kerina perentahNa,La kutadingken perentah-perentahNa.
23 Kuusahaken tetap la ersalah i lebe-lebeNa,+Kuusahaken gelah ula ngelakoken kai si salah.+
24 Mbera-mbera upahi Jahwe aku erkiteken kulakoken si benar,+Perban aku la ersalah i lebe-lebeNa.+
25 Setia Kam man kalak si setia,+Adil perbahanenNdu man kalak si la ersalah.+
26 Mehuli Kam man kalak bujur,+Tapi la Kam banci itipu kalak si licik.+
27 SelamatkenNdu kalak si lemah,+Tapi peterukNdu kalak si sombong.+
28 O Jahwe, Kam kap si mereken terang man bangku,O Dibataku, Kam kap si nerangi aku bas kegelapen.+
29 Alu penampatNdu, banci kuserang perampok-perampok,+Alu gegeh si bereken Dibata banci kulompati tembok.+
30 Sempurna kap dalan Dibata si benar,+Badia kap kata-kata Jahwe.+
Ia perisai man kerina kalak si erlindung man baNa.+
31 Lit kin Dibata si deban selain Jahwe?+
Lit kin gunung batu si deban selain Dibatata?+
32 Dibata si benar kap si mpegegehi aku,+BanNa dalanku sempurna.+
33 BanNa perkiam naheku bagi rusa,BanNa aku tedis bas ingan si meganjang.+
34 Tanku ilatihNa guna erperang,Banci kutarik busur panah tembaga seh asa bengkok.
35 BerekenNdu man bangku perisai keselamatenNdu,+Tan kananNdu ndukung aku,SipatNdu si meteruk ukur erban aku mulia.+
36 PebelangNdu dalan si kulewati,Naheku la banci celus.+
37 Kuayaki janah kukernepken pagi musuh-musuhku,La aku mulih sope kukernepken kalak e kerina.
38 Kuhancurken pagi kalak e emaka lanai kalak e banci keke mulihi,+Ndabuh pagi kalak e i teruh naheku.
39 BereNdu pagi aku gegeh guna erperang,BanNdu pagi musuh-musuhku ndabuh i lebe-lebeku.+
40 BanNdu pagi musuh-musuhku kiam arah aku,Kukernepken* pagi kalak si rate segat man bangku.+
41 Serko kalak e mindo penampat, tapi la lit si nelamatkenca,Serko pe kalak e man Jahwe, labo aloiNa.
42 Kututu pagi kalak e seh asa melumat bagi abu taneh bas angin,Kubenterken pagi kalak e bagi kubang bas dalan.
43 SelamatkenNdu pagi aku arah bangsaku si ndarami kesalahenku,+PilihNdu pagi aku jadi peminpin bangsa-bangsa.+
Bangsa si la kutandai pe layanina pagi aku.+
44 Megi berita kerna aku saja pe, patuh pagi kalak e bangku,Sujud pagi kalak asing man bangku perban biarna,+
45 Mbiar dungna kalak asing,Ndarat pagi kalak e arah kota-kotana si ertembok janahna nggirgir.
46 Jahwe Dibata si nggeluh kap! Pujilah Gunung Batuku!+
Muliakenlah Dibata si nelamatken aku!+
47 Ibalas Dibata si benar musuh-musuhku guna kepentingenku,+BanNa bangsa-bangsa patuh man bangku.
48 SelamatkenNa aku arah musuh-musuhku,Meganjang aku angkatNdu, ndauh arah musuh-musuhku.+
SelamatkenNdu aku arah kalak si kejam.
49 O Jahwe, e me sebapna kumuliaken Kam i tengah bangsa-bangsa.+
Kupuji pagi gelarNdu alu ende-enden.*+
50 SelamatkenNa raja si pilihNa alu kemenangen* si mbelin,+CidahkenNa kekelengenNa si setia man kalak si pilihNa,+Eme aku Daud ras keturunenku seh rasa lalap.+
Cataten i teruh
^ Ntah “ampang-ampangku.”
^ Ntah “ingan si meganjang.”
^ As. “perban tanku bersih.”
^ As. “Kupesinik.”
^ Ntah “musik.”
^ Ntah “keselamaten.”
