Masmur 19:1-14
Man peminpin musik. Lagu si iban Daud.
19 Iceritaken langit kemulian Dibata,+Angkasa nceritaken kerna kai si enggo banNa.+
2 Tiap wari cakapkenna,Tiap berngi pebetehkenna pemeteh kerna Dibata.
3 Labo ia ngerana, sada kata pe labo lit belaskenna,Sorana pe labo terbegi.
4 Tapi kerina kalak i belang-belang doni,Bage pe i ujung-ujung doni enggo megi berita e.+
Enggo ban Dibata kemah i langit man matawari.
5 Si bagi penganten dilaki si ndarat arah kamar pengantenna,Meriah ukurna bagi dilaki si megegeh si kiam bas jalurna.
6 Reh ia arah ujung langit nari,Janah terus ia ku ujung langit si deban,+La lit si banci cebuni arah lasna nari.
7 Undang-undang Jahwe sempurna+ janah mereken gegeh si mbaru.+
Penginget arah Jahwe terteki,+ erban kalak si la lit pengalamenna jadi pentar.+
8 Petunjuk Jahwe e benar janah erban ukur meriah,+Perentah Jahwe e murni janah mereken pengertin ku bas perukuren.+
9 Mbiar man Jahwe+ e murni seh rasa lalap.
Penghakimen Jahwe e benar janah adil kerinana.+
10 Kerina e ergan asangken emas,Ergan asangken emas murni,*+Janah tebun asangken madu,+ madu si naktaken arah asar lebah.
11 Arah kerina si e, pelayanNdu ipersingeti.+
Adi idalanken, mbelin upahna.+
12 Ise si meteh salahna sendiri?+
Ampunilah aku arah dosa-dosa si la kuteh e.
13 Sampatilah pelayanNdu enda gelah ula sombong,+Ula pediat aku ikuasai perbahanen si bage,+Alu bage la aku ersalah,+Janah bebas aku arah dosa si serius.*
14 O Jahwe, Gunung Batuku+ ras Penebusku,+Meriah min ukurNdu+ perban kata-kataku ras perukurenku si mbages.