Masmur 21:1-13
Man peminpin musik. Lagu si iban Daud.
21 O Jahwe, meriah kel akap raja perban gegehNdu,+Meriah kel akapna perban keselamaten si berekenNdu!+
2 SehkenNdu sura-sura pusuhna,+La tulakNdu pemindonna. (Sela)
3 Sebap alo-aloNdu ia alu melala pasu-pasu,TamaNdu mahkota si iban arah emas murni ku takalna.+
4 Pindona kegeluhen arah Kam nari, janah berekenNdu e man bana,+BerekenNdu umur si gedang, seh rasa lalap.
5 Mulia kel ia perban keselamaten si berekenNdu.+
BanNdu ia ihamati ras mulia.
6 BanNdu ia ipasu-pasu seh rasa lalap,+BanNdu ia ermeriah ukur i lebe-lebeNdu.+
7 Raja e tek man Jahwe,+Perban kekelengen si setia arah Dibata Si Meganjangna, tetap ia paguh.+
8 TanNdu pagi si nangkap kerina musuhNdu,Tan kananNdu pagi si nangkap kalak si rate segat man baNdu.
9 Bas waktu si tetapkenNdu, perdiatekenNdu pagi kalak e janah ibanNdu kalak e bagi api si gurlah.
Bendut Jahwe pagi kalak e bas rawaNa, janah keri pagi kalak e ipan api.+
10 KernepkenNdu pagi keturunen kalak e arah doni,Janah kernepkenNdu keturunen kalak e arah anak-anak manusia.
11 Cubaken kalak e ngelakoken kai si jahat man baNdu,+Ban kalak e rencana jahat si pasti gagal.+
12 Mundur pagi kalak e+Perban arahkenNdu panahNdu man kalak e.
13 O Jahwe tediskenlah, cidahken gegehNdu.
Endeken kami pagi pujin* kerna kehebatenNdu.
Cataten i teruh
^ As. “Rende pagi kami janah main musik.”