Masmur 25:1-22
Masmur si iban Daud.
א [Alep]
25 O Jahwe, ertoto aku man baNdu.
ב [Bet]
2 O Dibataku, tek aku man baNdu,+Ula pediatNdu aku ipermelaken.+
Ula pediatNdu tawai musuhku kesusahenku.+
ג [Gimel]
3 Kalak si ngarap man baNdu labo pagi mela akapna,+Tapi penghianat pasti mela pagi akapna.+
ד [Dalet]
4 O Jahwe, tuduhken min man bangku dalan-dalanNdu,+Ajari aku dalan-dalanNdu.+
ה [He]
5 Ajari min aku, sampati aku erdalan bas dalan-dalanNdu si benar,+Perban Kam kap Dibata si nelamatken aku.
ו [Waw]
Lalap aku ngarap man baNdu.
ז [Zayin]
6 O Jahwe, ingetlah perkuah ateNdu ras kekelengenNdu si setia,+Si lalap cidahkenNdu.*+
ח [Het]
7 Lupaken min dosa ras kesalahenku sanga aku nguda denga.
Inget min aku perban kekelengenNdu si setia,+Bage pe perban kiniulinNdu, o Jahwe.+
ט [Tet]
8 O Jahwe, Kam bujur ras adil.+
E me sebapna kalak perdosa ajariNdu kerna dalan si arus ikutkenna.+
י [Yod]
9 Tegu-teguNdu kalak si meteruk ukur ku dalan si benar,+AjariNdu kalak si lembut pusuhna bas dalanNdu.+
כ [Kap]
10 Man kalak si patuh man perentah+ ras perjanjin Jahwe,+Tetap Ia setia janah keleng ateNa.
ל [Lamed]
11 O Jahwe, amin pe mbelin kel dosaku,+Ampuni min aku perban gelarNdu.
מ [Mem]
12 Ise si mbiar man Jahwe,+Pasti ajariNa pagi ia kerna dalan si arus pilihna.+
נ [Nun]
13 Nanamina pagi kai si mehuli,+Jadi jang keturunenna pagi doni enda.+
ס [Samek]
14 Jahwe jadi teman si ndeher kel man kalak si mbiar man baNa,+KatakenNa perjanjinNa man kalak e.+
ע [Ayin]
15 Aku tetap erlindung man Jahwe,+Sebap pulahiNa pagi naheku arah jerat nari.+
פ [Pe]
16 Nen min aku, mekuah min ateNdu aku,Perban sisada ngenca aku, la lit si nampatisa.
צ [Tsade]
17 Reh susahna pusuhku,+Bebasken min aku arah kesusahenku.
ר [Res]
18 Perdiateken min kesusahenku ras masalahku,+Ampuni min kerina dosaku.+
19 Nenlah uga buena musuhku,Uga segatna ate kalak e man bangku.
ש [Syin]
20 Jagai min geluhku, selamatken aku.+
Ula pediatNdu mela kuakap, sebap man baNdu aku erlindung.
ת [Taw]
21 Mbera-mbera kesetian ras kebujurenku njagai aku,+Sebap Kam kap si kuarapken.+
22 O Dibata, selamatken min Israel arah kerina kesusahenna.
Cataten i teruh
^ Ntah “Si enggo lit nai-nai nari.”
