Masmur 27:1-14
Masmur si iban Daud.
27 Jahwe kap terangku+ ras si nelamatken aku.
Ise pe la aku mbiar.+
Jahwe kap benteng geluhku.+
Ise pe la aku gentar.
2 Sanga serang kalak jahat aku guna munuh aku,+Kalak e si tertuktuk ras ndabuh.
3 Amin pe serang pasuken tentera aku,La aku mbiar.+
Amin pe lit perang ngelawan aku,Tetap aku tek man baNa.
4 Sada si kupindo man Jahwe,E me si kuarapken,Banci min aku tading bas rumah Jahwe segedang geluhku,+Guna ngidah uga ulina Jahwe,Ras natap rumah pertotonNa alu dem pengergan.*+
5 Sanga aku bas kesusahen, lindungiNa aku,+BunikenNa aku bas ingan rahasiaNa, bas kemahNa,+TamaNa pagi aku i datas gunung batu si meganjang.+
6 Gundari enggo menang aku naluken musuh-musuh si lit i sekelilingku,Kupersembahken pagi korban tutungen bas kemahNa janahku ersurak,Kuendeken pagi pujin* man Jahwe.
7 O Jahwe, begiken min soraku erlebuh,+Mekuah min ateNdu aku janah aloi min aku.+
8 Nina pusuhku,
“Enggo bereNdu perentah, ‘Daramilah Aku.’”
O Jahwe, pasti pagi Kam kudarami.+
9 Ula Kam buang muka man bangku.+
Ula rawaiNdu aku, ula tulakNdu aku.
Kam kap si nampati aku,+O Dibata si nelamatken aku, ula aku tadingken tapi perdiateken min aku.
10 Amin pe bapakku ras mamakku nadingken aku,+Tapi Jahwe pasti ngaloken aku.+
11 O Jahwe, ajari min aku dalan-dalanNdu,+Babai min aku ku dalan si benar gelah terlindung aku arah musuh-musuhku.
12 Ula serahken aku man musuh-musuhku,+Sebap kataken kalak e tuduhen palsu kerna aku,+Jahat perbahanenna man bangku.
13 Adi la aku tek maka pasti nge kugejapken pagi kiniulin Jahwe bas geluhku,Kai pagi si terjadi bangku?*+
14 Ngaraplah man Jahwe,+Panglah kam janah petetap ukurndu.+
Ngaraplah man Jahwe.
Cataten i teruh
^ Ntah “alu ngukurisa.”
^ Ntah “Kumainken pagi musik.”
^ Ntah banci saja “Tek aku maka pasti pagi kugejapken kiniulin Jahwe bas geluhku.”