Masmur 29:1-11
Lagu si iban Daud
29 Pujilah Jahwe, o mahluk si megegeh,Pujilah Jahwe sebap Ia mulia ras megegeh.+
2 Muliakenlah Jahwe perban gelarNa.
Sembahlah Jahwe, alu make baju si badia.*
3 Sora Jahwe terbegi i datas embun-embun,Kemulian Dibata terbegi bagi sora lenggur.+
Jahwe lit i datas embun si mekapal.+
4 Sora Jahwe dem alu kuasa,+Sora Jahwe luar biasa kel.
5 Sora Jahwe erban penggel batang kayu aras,Sora Jahwe erban hancur batang-batang kayu Libanon.+
6 BanNa Libanon* lompat-lompat bagi anak lembu,Ras Sirion+ lompat-lompat bagi lembu jantan liar.
7 Sora Jahwe erban kilap ersinar.+
8 Sora Jahwe erban taneh mesawang* mugur-ugur,+Ban Jahwe Taneh Mesawang Kades+ mugur-ugur.
9 Sora Jahwe erban rusa nggirgir jenari ranak,Erban kerangen jadi botak.+
Ersurak pagi kerina si lit bas rumah pertotonNa, nina, “Muliakenlah Dibata!”
10 Kundul Jahwe bas tahtaNa i datas melala lau,+Kundul Jahwe bas tahtaNa selaku Raja seh rasa lalap.+
11 Bereken Jahwe pagi gegeh man umatNa.+
Pasu-pasu Jahwe pagi umatNa alu kedamen.+
Cataten i teruh
^ Ntah banci saja “perban Ia badia ras mehaga.”
^ Mungkin Pegunungen Libanon.
^ Taneh si mbelang si jarang iingani.