Masmur 30:1-12
-
Ceda ate jadi keriahen ukur
-
Nggejapken kiniulin Dibata segedang geluh (5)
-
Lagu si iban Daud. Lagu guna ngeresmiken rumah.
30 O Jahwe, kumuliaken pagi Kam, sebap enggo selamatkenNdu aku,La pediatNdu musuh-musuhku ermeriah ukur perban kesusahenku.+
2 O Jahwe Dibataku, erlebuh aku mindo penampatNdu, pepalemNdu aku.+
3 O Jahwe, angkatNdu aku arah Kuburen* nari.+
BanNdu aku tetap nggeluh, la pediatNdu aku gedap bas lubang kuburen.+
4 O umatNa si setia,+ endekenlah puji-pujin* man Jahwe,Katakenlah bujur* man gelarNa si badia,+
5 Sebap ntisik ngenca Dibata merawa,+Tapi kiniulinNa segedang geluh,+Sanga berngi terbegi sora tangis, tapi sanga erpagi-pagi terbegi sora meriah ukur.+
6 Sanga aman kuakap, ningku,
“Aman-aman saja nge pagi kerina.”
7 O Jahwe, sanga jadi ateNdu aku, banNdu aku bagi gunung gegehna.+
Tapi sanga buang muka Kam man bangku, mbiar aku.+
8 O Jahwe, lalap aku erlebuh man baNdu,+O Jahwe, lalap aku mindo perkuah ateNdu.
9 Kai kin gunana adi mate aku,* adi nusur aku ku lubang kuburen?+
Banci kin abu muji-muji Kam+ ras nceritaken kesetianNdu?+
10 O Jahwe begiken min aku, mekuah min ateNdu aku.+
O Jahwe, sampati aku.+
11 Ateku ceda ubahNdu jadi landek-landek meriah ukur,TangtangiNdu kain guniku janah pakekenNdu baju keriahen ukur,
12 Emaka rende aku muji Kam janah la aku sinik.
O Jahwe Dibataku, kupuji Kam seh rasa lalap.