Masmur 31:1-24
Man peminpin musik. Lagu si iban Daud.
31 O Jahwe, erlindung aku man baNdu.+
Ula min pediatNdu aku mela,+Selamatken min aku perban Kam benar.+
2 Begiken min aku.
Meter min selamatkenNdu aku.+
Kam min si jadi gunung si ngelindungi aku,Benteng si megegeh guna nelamatken aku.+
3 Sebap Kam kap gunung batuku ras bentengku,+BabaiNdu aku janah tegu-teguNdu aku+ guna gelarNdu.+
4 BebaskenNdu aku arah jerat si ipasang alu erbuni-buni,+Sebap Kam kap bentengku.+
5 Kubereken geluhku ku tanNdu.+
O Jahwe, Dibata kebenaren,* enggo tebusNdu aku.+
6 Segat ateku kalak si nembah berhala si la erguna,Tapi tek aku man Jahwe.
7 Meriah kel ukurku perban kekelengenNdu si setia,Perban idahNdu kesusahenKu,+ItehNdu uga latihna ukurku.
8 La serahkenNdu aku ku tan musuh,Tapi banNdu aku tedis bas ingan si aman.
9 O Jahwe, mekuah min ateNdu aku perban sangana aku susah.
Mataku ras kerina dagingku pe mesui perban kesusahenku.+
10 Geluhku dem alu ceda ate,+La erngadi-ngadi aku mengeluh.+
Gegehku reh urakna perban kesalahenku,Tulan-tulanku pe reh lemahna.+
11 Kerina temanku nokohi aku,+Terutama tetangga-tetanggaku.
Teman-temanku pe mbiar man bangku.
Kiam kalak e sanga idahna aku bas dalan.+
12 Lupa kalak e man bangku, lanai aku ingetna,* tempa-tempa aku enggo mate,Aku bagi barang si ceda.
13 Melala kubegi pitnah kerna aku,Mbiar kel aku ngidah si lit i sekelilingku.+
Ersada arih musuh-musuhku ngelawan aku,Rencanaken kalak e munuh aku.+
14 O Jahwe, tek aku man baNdu.+
Ningku, “Kam kap Dibataku.”+
15 Bas tanNdu kap geluhku.
Selamatken min aku arah tan musuh-musuhku ras kalak si atena nakiti aku.+
16 Jadi min ateNdu man pelayanNdu enda.+
Selamatken min aku alu kekelengenNdu si setia.
17 O Jahwe, ula min aku mela sanga aku erlebuh man baNdu.+
Kalak jahatlah si ipermelaken,+Pediatlah kalak e sinik bas Kuburen.*+
18 Mbera-mbera kalak si perbual jadi bisu,+Bage pe kalak si meganjang rukur ras si nokohi kalak si benar.
19 O Dibata, seh kel Kam ulina!+
SikapkenNdu melala pasu-pasu man kalak si mbiar man baNdu,+CidahkenNdu si e i lebe-lebe jelma si enterem guna kepentingen kalak si erlindung man baNdu.+
20 BunikenNdu kalak e bas ingan rahasiaNdu,+Gelah selamat kalak e arah rencana kalak jahat,LindungiNdu kalak eArah serangen kalak si kejam.+
21 Terpujilah Jahwe,Sebap alu cara si luar biasa cidahkenNa kekelengen si setia man bangku+ bas kota si ikepung.+
22 Tapi mbiar kel aku, ningku,
“Masap nge pagi aku arah lebe-lebeNdu.”+
Tapi begikenNdu aku sanga serko aku mindo penampat.+
23 O kena si setia man Jahwe, kelengilah Ia!+
Lindungi Jahwe kap kalak si setia,+Tapi berekenNa hukumen si mberat man kalak si sombong.+
24 O kena si ngarap man Jahwe,+Panglah kena janah petetaplah ukur kena.+
