Masmur 32:1-11
Masmur si iban Daud. Maskil.*
32 Ermeriah ukurlah kalak si kesalahenna iampuni, si dosana imaapken.+
2 Ermeriah ukurlah kalak si anggap Jahwe la ersalah,+Ras kalak si la nggit nipu.
3 Sanga kubuniken dosaku, latih kel kuakap perban ndehereng aku tiap wari.+
4 O Dibata, suari ras berngi merawa Kam man bangku.+
Gegehku bene bagi lau si kerah bas musim perlego. (Sela)
5 Dungna kuakui dosaku man baNdu,La kubuniken kesalahenku.+
Ningku, “Kuakui pagi pelanggarenku man Jahwe.”+
AmpuniNdu kesalahenku ras dosaku.+ (Sela)
6 E me sebapna kalak si setia ertoto pagi man baNdu+Sanga banci denga Kam ijumpai.+
Alu bage la pagi ia kena banjir kesusahen.
7 Kam kap inganku cebuni,LindungiNdu pagi aku arah kesusahen nari.+
Perban selamatkenNdu aku, sora surak-surak ermeriah ukur lit i sekelilingku.+ (Sela)
8 Nindu, “Kubere pagi kam pengertin ras Kuajari dalan si arus dalanindu.+
Kunasehati kam pagi janah tetap Kuperdiateken.+
9 Ula kam bagi kuda ras kelede si la rukur janah meliar,+Si arus ikendaliken alu nali ntah pe kekangGelah patuh ia man bandu.”
10 Mbue kesusahen si nanami kalak jahat,Tapi kalak si tek man Jahwe pasti pagi ikelilingi kekelengenNa si setia.+
11 O kalak si benar, ermeriah ukurlah perban Jahwe,O kalak si bersih pusuhna, ersuraklah alu ermeriah ukur.