Masmur 35:1-28
Masmur si iban Daud.
35 O Jahwe, bela min kasusku guna ngelawan kalak si nentang aku,+Lawan min kalak si ngelawan aku.+
2 Buat min perisaiNdu* si kitik* ras si galang,+Reh min Kam janah sampati aku.+
3 Angkat min tombakNdu ras kapakNdu ngelawan kalak si ngayaki aku.+
Kataken bangku, “Aku si nelamatken kam.”+
4 Mbera-mbera mela akap kalak si atena munuh aku janah irendahken ia.+
Mbera-mbera mundur kalak si ersekongkol guna munuh aku janah mela akapna.
5 Mbera-mbera kalak e bagi segal* si embusken angin,Mbera-mbera pelawes malekat Jahwe kalak e.+
6 Mbera-mbera gelap dalan kalak e ras medalitSanga ayaki malekat Jahwe kalak e.
7 La lit sebapna ban kalak e jerat guna njebak aku,La lit sebapna gali kalak e lubang guna nangkap aku.
8 Mbera-mbera kena bencana kalak e,Mbera-mbera tertangkap kalak e bas jaring si ibanna,Mbera-mbera ndabuh kalak e ku je janah mate.+
9 Tapi meriah pagi ukurku perban Jahwe,Ermeriah ukur aku perban selamatkenNa aku.
10 Ningku alu bulat ukurku,
“O Jahwe, ise si bagi Kam?
BebaskenNdu kalak si lemah arah kalak si megegeh,+BebaskenNdu kalak si lemah ras si mesera arah perampok.”+
11 Saksi-saksi si jahat reh ngelawan aku,+Tuduhna aku ngelakoken kai si la kuteh.
12 Balas kalak e kiniulinku alu kejahaten,+Emaka sedih kel kuakap.
13 Tapi sanga sakit kalak e, kupake kain guni,Kupeteruk bangku alu erpuasa.
Sanga totoku la ijawap,
14 Erdalan aku ku jah ku je, erceda ate aku bagi kalak si mate temanna ntah pe seninana,Tungkuk aku janah sedih kuakap, erceda ate aku bagi kalak si mate mamakna.
15 Tapi sanga ndabuh aku, meriah ukur kalak e janah pulung kalak e,Pulung kalak e janah cebuni guna nyerang aku,Cabik-cabik kalak e aku janahna lalap ngerana.
16 Kalak si erdosa nokohi aku janah hinana aku,Erderep ipen kalak e perban merawa man bangku.+
17 O Jahwe, ngasa ndigan Kam natap-natap saja?+
Selamatken min aku arah serangen kalak e,+Selamatken min geluhku si merga arah singa-singa si nguda denga.+
18 Ngata bujur pagi aku man baNdu i tengah-tengah perpulungen si mbelin,+Kupuji pagi Kam i tengah-tengah jelma si enterem.
19 La lit alasenna segat ate kalak e aku, ula pediat hina kalak e aku,Labo lit sebapna segat ate kalak e aku,+ ula pediat tokohi kalak e aku.+
20 Labo kerna kedamen si cakapken kalak e,Tapi ban kalak e rencana jahat man penduduk negri si tading alu aman.+
21 Mbelang babah kalak e nuduh aku.
Nina, “Cocok! Enggo lakokenna.”
22 O Jahwe, enggo kap idahNdu kerna si e. Ula Kam sinik saja.+
O Jahwe, ula min Kam ndauh arah aku nari.+
23 O Jahwe Dibataku, tedis min Kam, tegakken min keadilen,Sampati min aku janah bela min kasusku.
24 O Jahwe Dibataku, hakimi min aku menurut keadilenNdu,+Ula pediatNdu aku tokohi kalak e.
25 Ula sempat nina kalak e bas pusuhna, “Cocok! Enggo seh sura-sura kami.”
Ula sempat nina kalak e, “Enggo masapken kami ia.”+
26 Permelakenlah kalak si nokohi kesusahenku,Pediatlah kalak e ihina.
Permelaken janah peteruklah kalak si sombong man bangku.
27 Tapi kalak si meriah ukurna perban aku benar, ersuraklah alu meriah ukur.
Mbera-mbera lalap kataken kalak e,
“Imuliakenlah Jahwe si meriah ukurNa ngidah kedamen pelayanNa.”+
28 Kuceritaken* pagi perbahanenNdu si benar,+Kupuji Kam gedang-gedang wari.+
Cataten i teruh
^ Ntah “ampang-ampangNdu.”
^ Biasana enda perisai si ibaba sekalak pemanah.
^ Ntah “kulit page; kulit gandum; kulit barli.”
^ Ntah “Kuukuri.”
