Masmur 36:1-12
Man peminpin musik. Arah Daud pelayan Jahwe.
36 Dosa nguasai pusuh kalak jahat,Sitik pe la ia mbiar man Dibata.+
2 Hebat kapna bana, emaka la tehna salahna,La atena segat kesalahenna.+
3 Kata-kata kalak e dem alu kejahaten ras tipun,La angkana ngelakoken kai si mehuli.
4 Bas ingan medemna pe banna rencana jahat.
Lalap ia bas dalan si jahat,La tulakna kai si jahat.
5 O Jahwe, kekelengenNdu si setia seh ku langit,+KesetianNdu seh ku embun-embun.
6 O Jahwe, keadilenNdu bagi gunung-gunung si banNdu,+KetetapenNdu bagi laut si mbages ras mbelang.+
O Dibata, selamatkenNdu manusia bage pe binatang.+
7 O Dibata, kekelengenNdu si setia seh kel mergana!+
Manusia erlindung i teruh kabengNdu.+
8 Inem kalak e kai si mehulina si lit bas rumahNdu seh asa puas,+BereNdu inem kalak e kiniulinNdu si maler alu deras.+
9 Kam kap sumber kegeluhen,+Alu terangNdu banci idah kami terang.+
10 Lalap min cidahkenNdu kekelengenNdu si setia man kalak si nandai Kam,+Bage pe kiniulinNdu man kalak si bersih pusuhna.+
11 Ula min pediatNdu aku iperjaki kalak si sombong,Ula min pediatNdu aku ipelawes kalak jahat.
12 Nenlah! Kalak jahat enggo ndabuh,Enggo runtuh kalak e janah lanai banci keke.+
