Masmur 37:1-40
-
Kalak si tek man Jahwe pasti pagi makmur
Masmur si iban Daud.
א [Alep]
37 Ula merawa perban kalak jahat,Ula cemburu man kalak perdosa.+
2 Sebap mis pagi kalak e kerah bagi dukut,+Mis pagi kalak e melus bagi dukut si meratah.
ב [Bet]
3 Teklah man Jahwe janah lakokenlah si mehuli,+Tadinglah i doni, janah lakokenlah perbahanen si setia.+
4 Daramilah keriahen si rehna arah Jahwe nari,Maka sehkenNa sura-surandu.
ג [Gimel]
5 Pediatlah Jahwe si negu-negu kam,+Andalkenlah Ia, ertindak pagi Ia guna kam.+
6 BanNa pagi kebenarenndu ersinar bagi matawari erpagi-pagi,Keadilenndu bagi matawari paksa ciger.
ד [Dalet]
7 Timailah Jahwe alu sabar.+
Timailah Ia alu dem pengarapen.
Ula kam rate segat man kalakSi berhasil rencana jahatna.+
ה [He]
8 Ula kam nggit ikuasai ate segat ras merawa-rawa,+Ula kam merawa janah dungna ngelakoken si jahat.*
9 Sebap kalak jahat pasti pagi ikernepken,+Tapi kalak si ngarap man Jahwe pasti pagi ndatken doni enda.+
ו [Waw]
10 Ntisik nari lanai lit kalak jahat.+
Daramindu pe pagi kalak e bas inganna,Lanai kalak e lit i je.+
11 Tapi kalak si meteruk ukur ndatken doni enda pagi,+Meriah kel pagi ukur kalak e perban dem kedamen i je.+
ז [Zayin]
12 Ban kalak jahat rencana jahat man kalak si benar,+Erderep ipenna perban rawana.
13 Tapi tawa Jahwe ngidah kalak e,Sebap itehNa enggo ndeher wari kematen kalak e.+
ח [Het]
14 Cabut kalak jahat pedang ras bengkokkenna busur panahnaGuna nyerang kalak si tertindas ras kalak si mesera,Guna munuh kalak si benar dalan geluhna.
15 Tapi pedang kalak e pagi si nembus jantung kalak e,+Ipenggelken pagi busur panah kalak e.
ט [Tet]
16 Ulin erta kalak benar si sitikAsangken erta kalak jahat si mbue.+
17 Sebap ipenggelken pagi tan kalak jahat,Tapi idukung Jahwe pagi kalak si benar.
י [Yod]
18 Iteh Jahwe kai si gejapken kalak si la ersalah,Warisen kalak e tetap pagi rasa lalap.+
19 Labo pagi mela akap kalak e sanga kesusahen,Sanga terjadi kelihen, melala kel pagi pangan kalak e.
כ [Kap]
20 Tapi kernep pagi kalak jahat,+Amin gia musuh Jahwe bagi mbalmbal si mejile,Masap pagi kalak e bagi asap.
ל [Lamed]
21 Kalak jahat minjam tapi lanai ulihkenna,Kalak benar perkuah janah meriah akapna mere.+
22 Kalak si ipasu-pasu Dibata ndatken doni enda pagi,Tapi kalak si isumpahi Dibata ikernepken pagi.+
מ [Mem]
23 Adi jadi ate Jahwe lagu langkah sekalak jelma,+Tegu-teguNa* tiap langkahna.+
24 Amin pe ia ndabuh, labo ia kernep,+Sebap tagangi Jahwe tanna.+
נ [Nun]
25 Mbarenda aku nguda, gundari aku enggo metua,Tapi la pernah kuidah kalak si benar tadingken Dibata,+Ntah pe anakna mindo-mindo pangan.*+
26 Nggit lalap ia mere pinjamen,+Pasu-pasu Dibata pagi anak-anak kalak e.
ס [Samekh]
27 Pedauhlah kai si jahat, lakokenlah kai si mehuli,+Alu bage tetap kam nggeluh seh rasa lalap.
28 Keleng ate Jahwe keadilen,Labo pagi tadingkenNa pelayanNa si setia.+
ע [Ayin]
Lalap pagi kalak e ilindungi,+Tapi keturunen kalak jahat ikernepken pagi.+
29 Kalak si benar pagi si ndatken doni,+Ringan ia i je seh rasa lalap.+
פ [Pe]
30 Kalak si benar ngataken kai si pentar,Bage pe ngataken kai si adil.+
31 Undang-Undang Dibata lit bas pusuhna,+Sanga ia erdalan, la pagi ia celus.+
צ [Tsade]
32 Perdiateken kalak jahat kalak si benar,Daramina cara guna munuhsa.
33 Tapi labo tadingken Jahwe ia bas tan kalak jahat e,+Labo pagi ia ikataken ersalah sanga ia iadili.+
ק [Qop]
34 Ngaraplah man Jahwe janah ikutilah dalan-dalanNa,PeganjangNa pagi kam, janah datndu pagi doni enda.
Idahndu pagi+ sanga kalak jahat ikernepken.+
ר [Res]
35 Pernah kuidah kalak jahat si reh dekahna reh kejamna,Si bagi batang kayu si melala bulungna.+
36 Tapi rempet kalak e lanai lit,+Kudarami pe kalak e lanai kudat.+
ש [Syin]
37 Perdiatekenlah kalak si la ersalah,*Bage pe kalak si bujur pusuhna,+Perban inanami kalak e pagi kedamen.+
38 Tapi kerina kalak perdosa ikernepken pagi,Masa depan kalak jahat pe ikernepken pagi.+
ת [Taw]
39 Keselamaten kalak si benar rehna arah Jahwe nari,+Ia si jadi benteng kalak e sanga terjadi kesusahen.+
40 Sampati Jahwe kalak e janah bebaskenNa ia.+
BebaskenNa pagi kalak e arah kalak jahat,Perban erlindung kalak e man baNa.+
Cataten i teruh
^ Ntah banci saja “Ula merawa, perban e erban cilaka saja ngenca.”
^ Ntah “PepaguhNa.”
^ As. “roti.”
^ Ntah “kalak si tetap setia.”
