Masmur 38:1-22
Lagu si iban Daud guna jadi peringeten.
38 O Jahwe, ula Kam merawa sanga persingetiNdu aku,Ula nembeh ateNdu sanga persingetiNdu aku.+
2 Anak panahNdu enggo mbages nucuk aku,TanNdu enggo nekan aku.+
3 Mesui kerina dagingku perban rawaNdu.
Lanai lit kedamen bas aku perban dosaku.+
4 Enggo gedap aku bas dosa-dosaku,+Dosaku bagi baban si mberat si la terbabaku.
5 Perban kebodohenku,Luka-lukaku enggo nanahen janah mbau.
6 Stres aku janah getem kel pusuhku,Gedang-gedang wari sedih aku.
7 Melas kel kuakap,Kerina dagingku mesui.+
8 Lanai kugejap kai pe, getem kel kuakap,Ndehereng aku perban sedak kel pusuhku.
9 O Jahwe, tehNdu kap kerina sura-suraku,BegiNdu kerina keluhenku.
10 Debet-debet jantungku, keri gegehku,Mataku pe lanai jelas pengidahna.+
11 Teman kompakku ras teman-temanku lanai nggit ndeher perban penakitku,Kade-kadeku pe nadingken aku.
12 Kalak si atena munuh aku masang perangkap,Kalak si atena ncilakai aku ngancam aku,+Gedang-gedang wari rencanaken kalak e nipu aku.
13 Tapi bagi kalak si pasek, la kubegiken kalak e,+Bagi kalak si bisu, la aku ngerana.+
14 Aku bagi kalak si la erpemegi,Si la banci ngataken kai pe guna mbela diriku.
15 O Jahwe, Kam kap si kutimai,+O Jahwe Dibataku, Kam kap si ngaloi aku.+
16 Ningku, “Mbera-mbera la kalak e senang perban kesusahenku,Ntah pe la tokohina aku perban celus naheku.”
17 Guling atena aku,Lalap kuakap mesui.+
18 Kuakui kesalahenku,+Latih kel kuakap perban dosaku.+
19 Tapi musuh-musuhku semangat kel janah megegeh,*Reh teremna kalak si rate segat man bangku amin pe la lit sebapna.
20 Balas kalak e kiniulinku alu kejahaten,Musuhi kalak e aku perban kuusahaken ngelakoken si mehuli.
21 O Jahwe, ula aku tadingkenNdu.
O Dibata, ula Kam ndauh arah aku nari.+
22 O Jahwe, Kam kap si nelamatken aku,+Meter min sampatiNdu aku.
Cataten i teruh
^ Ntah banci saja “Seh kel teremna kalak si segat tena aku amin pe la lit sebapna.”