Masmur 4:1-8
Man peminpin musik. Guna iiringi alat musik si ersenar. Lagu si iban Daud.
4 O Dibataku si benar,+ sanga erlebuh aku, aloi min aku.
Sanga susah kuakap, bere min jalan keluar.
Mekuah min ateNdu aku, begiken min totoku.
2 O anak manusia, asa ndigan ihina kena aku?
Asa ndigan kelengi kena kai si la erguna janah darami kena si palsu? (Sela)
3 Arus teh kena maka istimewa pagi ban Jahwe umatNa si setia,*Begiken Jahwe pagi aku sanga erlebuh aku man baNa.
4 Adi segat pe ate kena, ula seh asa erdosa.+
Bas pusuh sajalah kena ngerana, bas ingan medem kena, janah teruslah kena sinik. (Sela)
5 Persembahkenlah korban man Dibata arah pusuh kena nari,Teklah man Jahwe.+
6 Enterem kalak si ngataken, “Ise pagi si mehuli man kami?”
O Jahwe, buktikenlah maka ngena ateNdu kami.+
7 BanNdu riahen ukurkuAsangken ukur kalak si mperani melala biji-bijin* ras anggur si mbaru.
8 Tayang pagi aku janah tenang kuakap medem,+Perban Kam ngenca o Jahwe si erban aman geluhku.+