Masmur 40:1-17
Man peminpin musik. Lagu si iban Daud.
40 Tuhu-tuhu ngarap kel aku man* Jahwe,Mungkuk Ia megiken aku, begikenNa soraku mindo penampat.+
2 TarikNa aku arah lubang lau si deras,Arah ingan si erkubang.
Jenari ibanNa aku tedis bas tebing batu,BanNa naheku tedis alu paguh.
3 Kenca si e banNa kuendeken lagu pujin si mbaru,+Lagu pujin man Dibatata.
Enterem pagi kalak si luar biasa akapna ngidahsaJanah tek kalak e man Jahwe.
4 Ermeriah ukurlah kalak si tek man JahweBage pe kalak si la ngikutken kalak si nggit ngelawan ras si nggit erbual.
5 O Jahwe Dibataku,Seh kel buena si enggo ilakokenNdu,Luar biasa kel perbahanenNdu ras perukurenNdu man kami.+
La lit si bagi Kam,+Adi kucubaken ateku nceritakenca,La terceritaken aku perban buena!+
6 La Kam merhat korban ras persembahen,+Tapi bukaNdu cupingku guna megi.+
La pindoNdu persembahen tutungen ras persembahen dosa.+
7 Kenca si e ningku, “Aku enggo reh.
Bas gulungen-gulungen lit tertulis kerna aku.+
8 O Dibataku, meriah kuakap* ngelakoken peratenNdu,+Undang-undangNdu lit bas pusuhku.+
9 Kuberitaken berita si meriah kerna keadilenNdu bas perpulungen si mbelin,+La kututup babahku,+O Jahwe, tehNdu kap kerna si e.
10 La kubuniken keadilenNdu bas pusuhku.
Kuceritaken kesetianNdu ras keselamaten si berekenNdu.
La kubuniken kekelengenNdu si setia ras kebenarenNdu bas perpulungen si mbelin.”+
11 O Jahwe, ula tahan-tahanNdu perkuah ateNdu man bangku.
Mbera-mbera kekelengenNdu si setia ras kebenarenNdu tetap ngelindungi aku.+
12 Lanai terkira buena kesusahen si engkelilingi aku.+
Seh kel buena kesalahenku, seh ngasa lanai kuidah dalanku.+
Kesalahenku e buen asangken buk takalku,Emaka enggo putus asa aku.
13 O Jahwe, selamatken min aku.+
O Jahwe, meter min sampati aku.+
14 Mbera-mbera kerina kalak si usahakenna munuh aku,Ipermelaken janah ihina.
Mbera-mbera kalak si meriah akapna ngidah kesusahenku,Mundur janah irendahken.
15 Mbera-mbera kalak si nokohi aku,Sengget perban melana akapna.
16 Senang janah ermeriah ukurlah+Kalak si ndarami Kam.+
Mbera-mbera kalak si nimai keselamaten arah Kam nari, lalap ngataken,
“Imuliakenlah Jahwe.”+
17 O Dibataku, aku kalak mesera, la lit si nampati aku,Mbera-mbera perdiateken Jahwe aku.
Kam kap si nampati aku ras si nelamatken aku,+Ula min ndekahsa Kam reh.+