Masmur 42:1-11
Man peminpin musik. Maskil* keturunen Korah.+
42 Bagi pertedeh rusa nandangi lau,Bage me tedehna ateku Kam, o Dibata.
2 Bagi kalak si muas nandangi lau, bage me perluna aku nandangi Kam, o Dibata si nggeluh.+
O Dibata, ndigan aku banci reh ngadap man baNdu?+
3 Suari ras berngi, iluhku si jadi panganku,Gedang-gedang wari tokohi kalak aku, nina, “I ja dage Dibatandu?”+
4 Enda me si kuinget janah bagenda me perasanku man baNdu.
Mbarenda ras jelma si enterem aku erdalan,Enggo biasa aku erdalan i lebe-lebe kalak e sanga lawes ku rumah Dibata,Itemani sora meriah ukur ras pengatan bujur,Si rehna arah kalak si ngerayaken perayan.+
5 Engkai maka aku putus asa?+
Engkai maka susah kuakap?
Man Dibata saja ngenca aku erpengarapen,+Sebap kupuji pagi Dibata Si Nelamatken aku.+
6 O Dibataku, putus asa kel aku.+
E me sebapna kuinget Kam,+Arah daerah Jordan ras arah puncak-puncak Gunung Hermon,Bage pe arah Gunung Misar.*
7 Sanga ersora air terjunNdu,Gelombang-gelombang laut silebuh-lebuhen.
OmbakNdu erban aku gedap.+
8 Sanga ciger wari bere Jahwe pagi aku kekelengenNa si setia,Sanga berngi wari rende aku kerna Ia, ertoto aku man Dibata si mereken geluhku.+
9 Ningku man Dibata tebing batuku,
“Engkai maka lupakenNdu aku?+
Engkai maka arus sedih aku erdalan perban tindas musuhku?”+
10 Sitik pe la mekuah ate musuh-musuhku aku, tokohina aku.
Gedang-gedang wari tokohi kalak e aku, nina, “I ja dage Dibatandu?”+
11 Engkai maka aku putus asa?
Engkai maka susah kuakap?
Man Dibata saja ngenca aku erpengarapen,+Sebap kupuji pagi Dibataku, Dibata Si Nelamatken aku.+
