Masmur 44:1-26
Man peminpin musik. Masmur si iban keturunen Korah.+ Maskil.*
44 O Dibata, enggo kap begi kami,Enggo ceritaken nini bulang kami man kami,+Kai mbarenda si lakokenNduBas jaman kalak e.
2 PelawesNdu bangsa-bangsa alu tanNdu,+HancurkenNdu bangsa-bangsa, pelawesNdu kalak e.+
BanNdu nini bulang kami tading i je.+
3 Rebut kalak e negri e labo perban pedangna,+Menang kalak e labo perban tanna.+
Tapi perban tan kananNdu ras gegehNdu+ bage pe sinar ayoNdu,Perban jadi ateNdu kalak e.+
4 O Dibata, Kam kap Rajaku,+Bereken min kemenangen* si mbelin man Jakup.
5 Alu kuasaNdu, pelawes kami musuh-musuh kami,+Alu gelarNdu, perjaki kami kalak si reh ngelawan kami.+
6 Sebap labo panahku si kuandalken,Pedangku labo banci nelamatken aku.+
7 Kam kap si nelamatken kami arah musuh-musuh kami,+Kam kap si mpermelaken kalak si rate segat man kami.
8 Puji kami pagi Dibata gedang-gedang wari,Kataken kami bujur man gelarNdu seh rasa lalap. (Sela)
9 Tapi gundari tulakNdu kami, permelakenNdu kami,La Kam maju ras pasuken kami.
10 BanNdu kami mundur arah musuh-musuh kami,+Kalak si rate segat man kami njarah kami.
11 SerahkenNdu kami bagi biri-biri guna imangsa,MerapkenNdu kami i tengah bangsa-bangsa.+
12 DayakenNdu umatNdu janah murah kel ergana,+La lit datNdu untung kai pe.
13 BanNdu kami ihina tetangga kami,Kalak si lit i sekeliling kami nokohi kami ras nawai kami.
14 BanNdu kami jadi kuan-kuan i tengah bangsa-bangsa,+Geleng-geleng kepala kalak e nokohi kami.
15 Gedang-gedang wari, ihina kuakap aku,Mela kel kuakap,
16 Perban kubegi kalak e nokohi ras mandangi,Perban lit musuh kami si balas dendam man kami.
17 Amin pe kerina e terjadi man kami, labo lupaken kami Kam,Labo langgar kami perjanjinNdu.+
18 Pusuh kami tetap setia,Langkah kami tetap bas dalan-dalanNdu.
19 Tapi banNdu kami hancur bas asar biang kerangen,BanNdu kami itutupi bayangen si seh kel gelapna.
20 Adi lupaken kami gelar Dibata kamiJanah angkat kami tan kami guna ertoto man dibata si deban,
21 La kin iteh Dibata kerna si e?
TehNa kap isi pusuh manusia.+
22 Perban Kam nge maka gedang-gedang wari kami iancam kematen.
Kami ipeseri ras biri-biri si nandangi igeleh.+
23 O Jahwe, keke min Kam. Engkai maka lalap Kam medem?+
Medakken! Ula rasa lalap kami tulakNdu.+
24 Engkai maka Kam buang muka?
Engkai maka lupakenNdu kesusahen ras masalah kami?
25 Sebap kami enggo ampar seh ku abu,Daging kami idehken seh ku taneh.+
26 Rehlah Kam nampati kami!+
Selamatken* min kami alu kekelengenNdu si setia.+
