Masmur 45:1-17
Man peminpin musik, menurut nada “Bunga Lili.” Lagu si iban keturunen Korah.+ Maskil.* Lagu ate ngena.
45 Debet-debet pusuhku perban kata-kata si mehuli.
Ningku, “Laguku enda kerna sekalak raja.”+
Mbera-mbera dilahku bagi pena*+ si ipake sekalak pujangga* si pentar.+
2 Kam kap si gantengna arah kerina manusia.
Kata-kata si katakenndu erban meriah ukur.+
E me sebapna pasu-pasu Dibata kam seh rasa lalap.+
3 O pejuang si megegeh,+ iketkenlah pedangndu bas awakndu,+Alu kehamaten ras kemulian.+
4 Alu kemulianndu, majulah kam ngerebut kemenangen,+Majulah guna kalak si meteruk ukur bage pe guna kebenaren ras keadilen,+Lakokenlah kai si luar biasa alu tan kananndu.
5 Panahndu si ntelap nucuk jantung musuh-musuh raja,+Ndabuhen bangsa-bangsa i lebe-lebendu.+
6 Dibata kap tahtandu seh rasa lalap,+Tongkat kerajanndu eme tongkat keadilen.+
7 Ngena atendu kai si benar,+ nembeh atendu kejahaten.+
E me sebapna ilantik Dibatandu kam+ alu minak+ janah banNa keriahen ukurndu belinen asangken keriahen ukur raja-raja si deban.
8 Merim kerina pakenndu, bau mur, bau gaharu, ras bau lawang,*Meriah ukurndu perban alat-alat musik si ersenar si imainken arah istana gading si mehaga.
9 Putri-putri raja lit i tengah-tengah diberu si hamatindu.
Ratu tedis i sebelah kananndu janah pakena perhiasen arah emas Opir.+
10 O Nakku, begiken min aku janah perdiateken,Lupaken min bangsandu ras keluarga bapakndu.
11 Tedeh pagi ate raja jilendu e,Sebap ia kap tuanndu,Emaka mungkuklah kam man bana.
12 Anak-anak Tirus si diberu pe reh pagi maba hadiah,Kalak si bayakna pe usahakenna pagi muat ukurndu.
13 Bas istana putri raja teridah mulia,Uisna isulam alu benang emas.
14 Ibaba pagi ia ngadap man raja janah pakena gaun si itenun.*
Ikut pagi dayang-dayangna ngadap man raja.
15 Masuk pagi kalak e ku istana,Bas keadan si meriah ukur ras senang.
16 Anak-anakndu pagi si nggantiken nini bulangndu.
Kam pagi si ngelantik kalak e jadi peminpin i belang-belang doni.+
17 Kuban pagi gelarndu terberita arah jaman ku jaman.+
E me sebapna ipuji bangsa-bangsa pagi kam seh rasa lalap.
Cataten i teruh
^ Ntah “pulpen.”
^ Ntah “penulis.”
^ Eme batang kayu si sejenis ras batang kayu manis.
^ Ntah banci saja “pakena jubah si isulam.”
