Masmur 46:1-11
Man peminpin musik. Lagu si iban keturunen Korah.+ Menurut nada Alamot.* Sada lagu.
46 Dibata kap inganta erlindung bage pe gegehta,+Lalap sampatiNa kita sanga kita susah.+
2 E me sebapna la pagi kita mbiar, amin pe doni enda mugur-ugur,Amin pe runtuh gunung-gunung janah gedap ku teruh laut,+
3 Amin pe lau bas laut ergelombang janah rugup,+Amin pe mugur-ugur gunung-gunung perban gelombangna. (Sela)
4 Lit i je lau si maler si erban meriah ukur kota Dibata,+Eme kemah ingan ersembah si mulia ras si badia jang Dibata Si Meganjangna.
5 Bas kota e lit Dibata,+ kota e la banci iruntuhken.
Dibata pagi si reh nampatisa sanga terbit matawari.+
6 Bangsa-bangsa guntar, kerajan-kerajan idabuhken,Reh gangna banNa soraNa, janah doni pe mugur-ugur.+
7 Ras kita kap Jahwe, penguasa malekat,+Dibata Jakup ingan erlindung si aman. (Sela)
8 Mari nenlah perbahanen Jahwe,Kerna perbahanen si luar biasa si lakokenNa i doni.
9 PengadiNa peperangen i belang-belang doni.+
PenggelkenNa busur panah janah hancurkenNa lembing.
TutungNa me gereta-gereta perang.*
10 Nina Dibata, “Nyerahlah kam, arus tehndu maka Aku kap Dibata.
Ipeganjang pagi Aku i tengah bangsa-bangsa.+
Ipeganjang pagi Aku i doni.”+
11 Ras kita kap Jahwe penguasa malekat,+Dibata Jakup ingan erlindung si aman.+ (Sela)
