Masmur 48:1-14
Enda sada lagu. Lagu si iban keturunen Korah.+
48 Mulia kel Jahwe janah patut ipujiBas kota Dibatata, i gunungNa si badia.
2 Gunung Sion si lit i ujung utara, kota Raja Si Mulia e,+Mejile ras meganjang,Mereken keriahen ukur ku belang-belang doni.+
3 Bas menara-menarana si erbenteng,Cidahken Dibata maka Ia kap ingan erlindung* si aman.+
4 Nenlah! Enggo pulung raja-raja,Ras-ras kalak e maju.
5 Sanga idah kalak e kota e, sengget ia.
Panik kalak e janah kiam ban biarna.
6 Nggirgir kalak e ban biarna,Mesui kel akap kalak e bagi diberu si sangana melahirken.
7 HancurkenNdu kapal-kapal Tarsis alu angin badai arah timur nari.
8 Gundari enggo idah kami kai si begi kami,Eme kerna kota Dibatata Jahwe, penguasa malekat.
Ban Dibata kota e paguh seh rasa lalap.+ (Sela)
9 O Dibata, ukuri kami kekelengenNdu si setia,+Bas rumah pertotonNdu.
10 O Dibata, ipuji Kam bagi gelarNdu.
Seh ku ujung-ujung doni.+
Tan kananNdu dem alu keadilen.+
11 Ermeriah ukurlah Gunung Sion,+Ermeriah ukurlah kota-kota Juda* perban penghakimenNdu.+
12 Dalanilah Sion janah kelilingilah ia,Kiralah menara-menarana.+
13 Perdiatekenlah tembok-tembokna.+
Pereksalah menara-menarana si erbenteng,Gelah banci ceritaken kena man keturunen kena.
14 Sebap Dibata enda kap Dibatata+ seh rasa lalap.
Tegu-teguNa kita seh rasa lalap.*+
Cataten i teruh
^ Ntah “ingan si meganjang.”
^ As. “anak-anak Juda si diberu.”
^ Ntah banci saja “seh asa kita mate.”