Masmur 49:1-20
Man peminpin musik. Lagu si iban keturunen Korah.+
49 O bangsa-bangsa, begikenlah.
O penduduk doni, perdiatekenlah.
2 Bage pe kalak si biasa ras si ihamati,Si bayak ras si mesera.
3 Kucakapken pagi kerna kepentaren,Janah arah perukurenku+ teridah pengertin.
4 Kuperdiateken pagi kuan-kuanen,Kupeseh pagi teka-tekiku janahku main harpa.*
5 Engkai maka mbiar aku sanga aku susah,+Sanga aku ikelilingi kalak jahat si atena ndabuhken aku?
6 Kalak si ngandalken kebayakenna,+Ras kalak si bangga perban melala ertana,+
7 Labo sada pe arah kalak e si banci nebus kalak si deban,Ntah mereken tebusen man Dibata guna kalak si deban,+
8 (Erga tebusen man kesahna seh kel ergana,Asa ndigan pe labo tergalarina),
9 Gelah banci ia nggeluh rasa lalap janah la ngidah lubang kuburen.+
10 Idahna maka kalak pentar pe mate nge,Kalak bodoh ras kalak si la rukur pe mate nge,+Janah arus tadingken kalak e kebayakenna man kalak si deban.+
11 Ate kalak e rumahna tetap lit seh rasa lalap,Ingan tading kalak e lit min atena arah jaman ku jaman.
Ban kalak e gelar tanehna bagi gelarna.
12 Tapi manusia, amin gia ihamati, labo banci nggeluh rasa lalap,+Labo ia hebaten asangken binatang. Ia pe mate ka nge.+
13 Enda kap dalan kalak bodoh+Ras kalak si ngikutken kalak e, si meriah akapna megiken bual kalak e. (Sela)
14 Kalak e bagi biri-biri si nandangi igeleh, nusur kalak e ku Kuburen,*Kematen jadi permakan kalak e.
Sanga erpagi-pagi, arus kalak e patuh man kuasa kalak si bujur.+
Dungna masap kalak e janah la erbekas.+
Labo istana si jadi ingan kalak e,+ tapi Kuburen.*+
15 Tapi itebus Dibata aku arah kuasa Kuburen* nari,+Sebap Ia kap si nelamatken aku ras si ngelindungi aku. (Sela)
16 Ula kam mbiar man kalak si dungna jadi bayak,Si rumahna reh mewahna,
17 Sebap sanga ia mate, labo kai pe babana,+Kebayakenna labo ikut ras ia.+
18 Sanga ia nggeluh denga, bangga kel ia.+
(Enterem kalak si muji kam adi kam bayak.)+
19 Tapi dungna mate ia bagi nini bulangna.
Lanai idahna terang.
20 Manusia si la ngangkai kerna si e, amin gia ia ihamati,+Labo ia hebaten asangken binatang. Ia pe mate ka nge.
Cataten i teruh
^ Harpa eme alat musik si ersenar bagi gitar, tapi bentukna beda.
