Masmur 51:1-19
Man peminpin musik. Lagu si iban Daud, sanga reh Nabi Natan njumpai ia kenca Daud erlua-lua ras Batseba.+
51 O Dibata, mekuah min ateNdu aku perban kekelengenNdu si setia.+
Masapken min pelanggarenku perban perkuah ateNdu si mbelin.+
2 Cuci min aku arah kesalahenku,+Bersihken min aku arah dosaku.+
3 Sebap kuakui kap pelanggarenku,Lalap kuinget dosa-dosaku.+
4 Enggo erdosa aku man baNdu,+Kai si akapNdu jahat, enggo kulakoken.+
Emaka benar kap Kam sanga Kam ngerana,Adil kap Kam sanga Kam ngakimi.+
5 Bas dosa kap aku ilahirken,Enggo kap aku erdosa mulai kin bas rahim mamakku nari.+
6 Jadi ateNdu kalak si benar pusuhna,+Ajari min gelah angkai pusuhku kepentaren situhu-tuhu.
7 Murniken min aku arah dosaku,* gelah aku bersih.+
Cuci min aku, gelah bentaren aku asangken salju.+
8 Mbera-mbera kubegi sora keriahen ukur ras kesenangen,Gelah ermeriah ukur tulan-tulanku si enggo perperkenNdu.+
9 Ula nai nenNdu dosa-dosaku,+Masapken min kerina kesalahenku.+
10 O Dibata, banlah pusuh si bersih bas aku,+Tamalah gegeh si mbaru+ gelah aku paguh.
11 Ula ambekkenNdu aku arah lebe-lebeNdu nari,Ula buatNdu kesah si badiaNdu arah aku nari.
12 Ban min gelah kugejapken ka keriahen ukur perban keselamatenNdu,+Ban min gelah meriah ukurku patuh man baNdu.
13 Kuajarken pagi dalan-dalanNdu man kalak si ngelakoken pelanggaren,+Gelah kalak si erdosa mulihken man baNdu.
14 O Dibata si nelamatken aku,+ selamatken min aku arah utang dareh,+Gelah meriah ukurku nceritaken keadilenNdu.+
15 O Jahwe, bere min aku ngerana,*Gelah kupuji* Kam.+
16 Sebap labo Kam merhat nandangi korban, adi merhat kin Kam pasti kubereken,+Labo Kam merhat persembahen tutungen.+
17 Tapi korban si ngena ateNdu o Dibata, eme pusuh si getem,Labo tulakNdu pusuh si getem ras hancur.+
18 Mehuli min Kam man Sion,Bangun min tembok-tembok Jerusalem.
19 Meriah akapNdu ngaloken korban-korban kalak si benar,Eme korban tutungen ras persembahen tutungen,Bage pe lembu-lembu si ipersembahken bas ingan nutung* persembahenNdu.+
Cataten i teruh
^ As. “arah dosaku alu hisop.”
^ As. “buka min biberku.”
^ As. “Gelah babahku muji.”