Masmur 52:1-9
Man peminpin musik. Maskil.* Lagu si iban Daud, sanga Doek kalak Edom reh ndahi Saul janah katakenna maka Daud enggo seh i rumah Ahimelek.+
52 O kalak si megegeh, engkai maka banggakenndu kejahatenndu?+
Kekelengen si setia arah Dibata tetap nge lit.+
2 Dilahndu bali telapna ras piso cukur,+Rencanakenndu kejahaten ras tipun.+
3 Ngenan atendu kai si jahat asangken si mehuli,Riahen akapndu erbual asangken ncakapken kai si benar. (Sela)
4 Meriah akapndu melasken ranan si erban sakit hati,O kam penipu!
5 E me sebapna dabuhken Dibata pagi kam seh rasa lalap,+TangkapNa janah sarenNa pagi kam arah kemahndu nari,+KernepkenNa* pagi kam arah negri ingan kalak si nggeluh.+ (Sela)
6 Luar biasa pagi akap kalak si benar ngidahsa,+Tawa pagi kalak e nokohi ia,+ nina,
7 “Enda me kalak si la erlindung man Dibata,+Tek ia man kebayakenna si melala,+Andalkenna rencanana si jahat.”
8 Tapi bali pagi aku bagi batang saitun si mbur i rumah Dibata,Tek aku man kekelengen si setia arah Dibata+ seh rasa lalap.
9 Kupuji pagi Kam seh rasa lalap perban kai si enggo lakokenNdu,+I lebe-lebe umatNdu si setia,Ngarap aku man gelarNdu+ perban mehuli perbahanenNdu.
