Masmur 53:1-6
Man peminpin musik, menurut nada Mahalat.* Maskil.* Lagu si iban Daud.
53 Nina kalak bodoh bas pusuhna,“Labo lit Jahwe.”+
Jahat perbahanen kalak e janah erban ciga ate,La lit sada pe si mehuli perbahanenna.+
2 Perdiateken Dibata kap manusia arah surga nari,+Merhat Jahwe metehsa lit ntah lang kalak si lit pengertinna ras si ndarami Ia.+
3 Kerina kalak e enggo papak,Kerina kalak e seri jahatna,La lit si mehuli perbahanenna,Sada pe lang.+
4 La nge lit pengertin kalak jahat?
Pan kalak e umatKu bagi man roti.
La kalak e erlebuh man Jahwe.+
5 Tapi mbiar kel pagi kalak e,Kebiaren si lenga pernah nanami kalak e,*Sebap merapken Dibata tulan-tulan kalak si nyerang kam.
Permelaken Jahwe pagi kalak e, sebap enggo tulakNdu kalak e.
6 Reh min keselamaten arah Sion nari man Israel!+
Sanga pepulung Jahwe mulihi kerina umatNa si itaban,Ermeriah ukurlah Jakup, ermeriah ukurlah Israel.
Cataten i teruh
^ Ntah banci saja “Mbiar kalak e amin pe labo lit si man kebiaren.”
