Masmur 54:1-7
-
Toto mindo penampat sanga i tengah-tengah musuh
-
“Dibata kap si nampati aku” (4)
-
Man peminpin musik. Guna iiringi alat musik si ersenar. Maskil.* Lagu si iban Daud, sanga kalak Sip ngadu man Saul, nina, “Daud cebuni i daerah kami.”+
54 O Dibata, selamatken min aku alu gelarNdu,+Bela min aku+ alu kuasaNdu.
2 O Dibata, begiken min totoku,+Perdiateken min ranan si kubelasken.
3 Sebap reh kalak asing ngelawan aku,Kalak si kejam bunuhna atena aku.+
La diate kalak e Dibata.+ (Sela)
4 Dibata kap si nampati aku,+Jahwe kap ras kalak si ndukung aku.
5 Balas Dibata pagi musuh-musuhku+ menurut kejahaten kalak e,Perban Dibata setia, masapkenNdu pagi kalak e.+
6 Meriah pagi ukurku mpersembahken korban man baNdu,+O Jahwe, kupuji pagi gelarNdu perban mehuli kap e.+
7 BebaskenNdu aku arah kerina kesusahenku,+Kuidah pagi musuh-musuhku italuken.+