Masmur 55:1-23
Man peminpin musik. Guna iiringi alat musik si ersenar. Maskil.*Lagu si iban Daud.
55 O Dibata, begiken min totoku,+Perdiateken min aku sanga kupindo perkuah ateNdu.*+
2 Perdiateken min aku, aloi min aku.+
Kebiarenku erban aku la tenang,+Susah kuakap,
3 Sebap kubegi kata-kata musuhBage pe penindasen arah kalak jahat.
Ban kalak e aku susah,Merawa kalak e man bangku, lawanna aku.+
4 Tersiksa kel pusuhku,+Mbiar kel aku mate.+
5 Nggirgir aku perban biarna,Ngeri kel kuakap.
6 Lalap ningku, “Bicara lit min ndai kabengku bagi merpati,Kabang aku janah tading bas ingan si tenang.
7 Ndauh kel aku kabang.+
Tading pagi aku bas taneh mesawang.*+ (Sela)
8 Meter pagi aku lawes ku ingan si aman,Ingan si ndauh arah angin si meter ras angin badai.”
9 O Jahwe, ban min kalak e kacau, gagalken min rencana kalak e,+Sebap enggo kuidah kejahaten ras kerusuhen bas kota.
10 Suari ras berngi kelilingi kalak e tembok-tembok kota,Bas kota e lit kejahaten ras kesusahen.+
11 Lit bencana i tengah-tengah kota e,Lalap lit penindasen ras penipun bas ingan si enterem jelma bas kota e.+
12 Adi musuh si nokohi aku,+Sabar denga aku ngadapisa.
Adi musuh si nentang aku,Banci denga aku cebuni arah ia.
13 Tapi kam kap si ngelakokenca, eme temanku si kutandai kel,+Kalak si bali ras aku.+
14 Mbarenda kompak kel kita,Biasa kita erdalan ku rumah Dibata radu ras jelma si enterem.
15 Mbera-mbera kalak e ihancurken!+
Pediatlah kalak e nusur nggeluh-nggeluh ku Kuburen.*
Sebap kejahaten enggo tading bas rumah kalak e bage pe bas pusuhna.
16 Tapi aku, erlebuh pagi aku man Dibata,Jahwe pagi si nelamatken aku.+
17 Erpagi-pagi, suari ras berngi, susah kuakap, tangis* aku,+Janah begikenNa soraku.+
18 BerekenNa aku kedamen janah selamatkenNa* aku arah musuh si nyerang aku,Perban enterem kel kalak si nyerang aku.+
19 Dibata si ertahta mbarenda nari,+Ia pagi si megiken aku janah Ia si ngelawan kalak e.+ (Sela)
Kalak e la nggit robah,La kalak e mbiar man Dibata.+
20 Serangna* kalak si erdame ras ia,+Langgarna perjanjinna.+
21 Kata-katana daliten asangken mentega,+Tapi dem perubaten bas pusuhna.
Kata-katana lembuten asangken minak,Tapi situhuna bagi pedang telapna.+
22 Benterkenlah babanndu man Jahwe,+Ia pagi si ndukung kam.+
La pernah pediatNa kalak si benar ndabuh.+
23 Tapi o Dibata, tamakenNdu pagi kalak jahat ku bas lubang si mbagesna.+
Kalak si rutang dareh ras si nggit nipu, labo pagi nggeluh seh asa setengah umurna.+
Tapi aku, tek aku man baNdu.
Cataten i teruh
^ Ntah “Ula kam cebuni sanga ertoto aku mindo penampat.”
^ Taneh si mbelang si jarang iingani.
^ Ntah “serko.”
^ As. “tebusNa.”
^ Kalak si nyerang maksudna, bekas temanna si ijelasken bas ayat 13 ras 14.
