Masmur 56:1-13
Man peminpin musik, menurut nada “Merpati Bisu bas Ingan si Ndauh.” Miktam.* Lagu si iban Daud, sanga itangkap kalak Pilisti ia i Gat.+
56 O Dibata, mekuah min ateNdu aku perban iserang kalak aku.
Gedang-gedang wari lalap aku lawan kalak e janah tindasna.
2 Gedang-gedang wari aku ilawan musuhku,Enterem kalak si sombong ngelawan aku.
3 Sanga mbiar aku,+ tek aku man baNdu.+
4 Tek aku man Dibata, si kupuji kata-kataNa,Tek aku man Dibata, la aku mbiar.
Kai kin si banci lakoken manusia man bangku?+
5 Gedang-gedang wari susah aku ban kalak e,Merhat kel kalak e ncilakai aku.+
6 Cebuni kalak e guna nyerang aku,Perdiatekenna tiap langkahku,+Darami kalak e kesempaten munuh aku.+
7 O Dibata, tulaklah kalak e perban kejahatenna.
Hukumlah bangsa-bangsa bas rawaNdu.+
8 Sanga aku jadi buronen, perdiatekenNdu kerina kesusahenku janah catatNdu.+
Tama min kerina iluhku bas kantong kulitNdu.*+
La kin kerina e tertulis bas bukuNdu?+
9 Mundur pagi musuh-musuhku sanga erlebuh aku mindo penampat.+
Sebap tek aku, Dibata kap ras aku.+
10 Tek aku man Dibata, si kupuji kata-kataNa,Tek aku man Jahwe, si kupuji kata-kataNa.
11 Tek aku man Dibata, la aku mbiar.+
Kai kin si banci lakoken manusia man bangku?+
12 O Dibata, kutepati pagi janjiku man baNdu,+Kubereken pagi persembahen pengatan bujurku man baNdu.+
13 Sebap selamatkenNdu aku arah kematen nari,+JagaNdu naheku gelah ula tertuktuk,+Gelah banci aku terus nggeluh janah erdalan i lebe-lebe Dibata.+
